वीरगंज । पर्साको सखुवाप्रसौनी गाउँपालिका–२ स्थित श्रीपुर बजारबाट जुवा खेलिरहेको अवस्थामा १२ जनालाई प्रहरीले पक्राउ गरेको छ ।
जिल्ला प्रहरी कार्यालय पर्साका अनुसार आइतबार श्रीपुर बजार क्षेत्रमा जुवा खेल भइरहेको विशेष सूचनाका आधारमा खटिएको प्रहरी टोलीले छापा मारेर १२ जनालाई पक्राउ गरेको हो ।
प्रहरीले घटनास्थलबाट जुवामा प्रयोग भइरहेको ५ बुक तास तथा नगद ४१ हजार ३३५ रुपैयाँ बरामद गरेको जनाएको छ ।
पक्राउ परेकाहरूमाथि थप अनुसन्धान भइरहेको जिल्ला प्रहरी कार्यालय पर्साले जनाएको छ । यद्यपि पक्राउ परेका व्यक्तिहरूको नाम, ठेगाना तथा विस्तृत विवरण भने प्रहरीले सार्वजनिक गरेको छैन ।
बरामद तास, नगद रकम तथा पक्राउ परेकाहरूलाई आवश्यक कानुनी प्रक्रिया अगाडि बढाउन नियन्त्रणमा राखिएको प्रहरीले जनाएको छ ।
