Date
बिहि, मंसिर ३, २०८३
Thu, November 19, 2026

बहुअरीमा सामुदायिक विद्यालयका विद्यार्थीलाई एकमहिने विज्ञान तथा प्रविधि तालिम

spot_img
spot_img

वीरगंज । वीरगंज महानगरपालिका वडा नं. २४ को आर्थिक सहयोग तथा एडरोबोटिक्सको प्राविधिक सहकार्यमा सामुदायिक विद्यालयका विद्यार्थीहरूका लागि एकमहिने विज्ञान तथा प्रविधि तालिम श्री शारदा माध्यमिक विद्यालय, बहुअरीमा सञ्चालन गरिएको छ ।

विद्यार्थीहरूमा विज्ञान, प्रविधि, नवप्रवर्तन तथा सिर्जनशील सोचको विकास गर्ने उद्देश्यले सुरु गरिएको उक्त तालिमले उनीहरूको व्यावहारिक ज्ञान र सीप अभिवृद्धिमा महत्वपूर्ण योगदान पुर्‍याउने अपेक्षा गरिएको छ ।

विद्यालयका प्रधानाध्यापक अनिल कुमार वर्णवालको अध्यक्षतामा आयोजित कार्यक्रममा वडा अध्यक्ष विजय पटेल प्रमुख अतिथिका रूपमा सहभागी भएका थिए । कार्यक्रममा वडा सदस्य सीता देवी र सदाम हुसेन, वडा सचिव सतिश श्रीवास्तव, सहायक सचिव सुरज यादव लगायतको उपस्थिति रहेको थियो ।

तालिममा सिद्धार्थ पटेल, लालबाबु गिरी र दिनेश महतोले प्रशिक्षक तथा सहजकर्ताको भूमिका निर्वाह गरिरहेका छन् । कार्यक्रममा बोल्ने वक्ताहरूले विज्ञान तथा प्रविधिको तीव्र विकास भइरहेको वर्तमान समयमा विद्यार्थीहरूलाई अनुसन्धानमुखी सोच, नवप्रवर्तन र आधुनिक प्रविधिसँग जोड्न यस्ता कार्यक्रम आवश्यक रहेको बताए ।

सामुदायिक विद्यालयका विद्यार्थीलाई गुणस्तरीय तथा समयानुकूल शिक्षा प्रदान गर्ने उद्देश्यले सञ्चालन गरिएको यस तालिमले भविष्यमा दक्ष तथा प्रतिस्पर्धी जनशक्ति उत्पादन गर्न सहयोग पुग्ने विश्वास व्यक्त गरिएको छ ।

स्थानीय तह र निजी क्षेत्रबीचको सहकार्यमा सञ्चालन भएको यस पहललाई शिक्षाको गुणस्तर सुधार तथा विद्यार्थीहरूको क्षमता अभिवृद्धितर्फको सकारात्मक कदमका रूपमा हेरिएको छ । कार्यक्रमको सञ्चालन शिक्षक यज्ञराज सापकोटाले गरेका थिए ।

spot_img

ताजा अपडेट

spot_img
spot_img
spot_img
कालिका टाईम्स
कालिका टाईम्सhttps://kalikatimes.com
सम्पर्क: ९८५५०३५४५७ | ९८५५०३३१३५, इमेल: kalikatimesdaily@gmail.com

LEAVE A REPLY

Please enter your comment!
Please enter your name here

थप समाचार

जालिम मियाँका माइला छोरा बसीर अहमद रास्वपामा प्रवेश

वीरगंज । नेकपा एमालेका नेता एवं पर्साको जगरनाथपुर गाउँपालिकाका पूर्व अध्यक्ष जालिम मियाँका माइला छोरा बसीर अहमद राष्ट्रिय स्वतन्त्र पार्टी (रास्वपा) मा प्रवेश गरेका...

पर्सामा एक महिनामा ११८ अपराधका घटना, १२२ फरार प्रतिवादी पक्राउ

वीरगञ्ज । जिल्ला प्रहरी कार्यालय पर्साले २०८३ साल कात्तिक महिनामा जिल्लाभर अपराध नियन्त्रण, अनुसन्धान, लागूऔषध कारोबार नियन्त्रण तथा अवैध गतिविधिविरुद्ध सञ्चालन गरेका कारबाहीको विवरण...

गौरको नेपाल–भारत सीमा क्षेत्रबाट ९ एमएमका २७ थान गोली बरामद

रौतहट । रौतहटको गौर नगरपालिका–१ कानुपट्टीस्थित नेपाल–भारत सीमा क्षेत्रबाट सुरक्षाकर्मीले ९ एमएमका २७ थान गोली बरामद गरेका छन्। मंगलबार सीमा क्षेत्रमा गस्ती गर्ने क्रममा सशस्त्र...