वीरगंज । वीरगंज महानगरपालिका वडा नं. २७ मा जेन–जीकाे ४० सदस्यीय वडा स्तरीय कमिटी गठन गरिएको छ ।
बिहिबार सम्पन्न कार्यक्रममा विशाल कुमार पटेललाई सोही वडाको इन्चार्ज तोकिएको छ भने विकास प्रसाद यादवको अध्यक्षतामा कमिटी गठन गरिएको हो ।
नवगठित कमिटीमा उपाध्यक्षमा रुपेश प्रसाद यादव, सचिवमा राहुल पटेल, सह–सचिवमा अर्जुन प्रसाद यादव तथा कोषाध्यक्षमा सन्दिप पासवान चयन भएका छन् ।
त्यसैगरी सदस्यहरूमा किसन पटेल, पपु पटेल, रोशन पटेल, विवेक यादव, आकाश बैठा, राजन पटेल, मनिष यादव, रवि यादवलगायत रहेका छन् ।
कार्यक्रममा बोल्दै वडा इन्चार्ज विशाल कुमार पटेलले जेन–जीको सिद्धान्तअनुसार समाजमा रहेका विकृति–विसङ्गतिविरुद्ध युवाहरूलाई एकताबद्ध गर्दै परिवर्तनको अभियान अघि बढाउने बताए ।
त्यस्तै, जेन–जी पर्सा वडा नं. २७ का अध्यक्षले आफ्नो वडामा भ्रष्टाचारविरुद्ध कडा रूपमा अभियान सञ्चालन गर्ने प्रतिबद्धता व्यक्त गरे ।
कार्यक्रममा जेन–जी पर्साका संयोजक महादेव प्रसाद कुर्मी, मुख्य सल्लाहकार बिरेन्द्र कण्ठसहित युवाहरूको उपस्थिति रहेको थियो ।
