वीरगंज । इलाका प्रहरी कार्यालय पोखरियाले फरार रहेका दुई जना अभियुक्तलाई पक्राउ गरेको छ ।
पक्राउ पर्नेमा पर्साको कालिकामाई गाउँपालिका–५ निवासी रंजित राउत कंकर रहेका छन् । उनी लागुऔषध सम्बन्धी मुद्दामा अदालतबाट एक वर्ष कैद तथा १० हजार रुपैयाँ जरिवाना सजाय सुनाइएपछि फरार रहेका थिए ।
त्यसैगरी, कालिकामाई गाउँपालिका–५ कै शशी कपुर ठाकुरलाई पनि प्रहरीले पक्राउ गरेको छ । ठाकुर बहुविवाह मुद्दामा अदालतबाट एक वर्ष कैद तथा २५ हजार रुपैयाँ जरिवाना सजाय पाएपछि फरार रहेका थिए ।
इलाका प्रहरी कार्यालय पोखरियाका प्रमुख प्रहरी निरीक्षक प्रदीप पौडेलका अनुसार दुवै अभियुक्तलाई पक्राउ गरी आवश्यक कानुनी प्रक्रिया अगाडि बढाइएको छ ।
