वीरगञ्ज । प्रगतिशील युवा क्लब वीरगञ्ज–१५, प्रतिमाचोकको आयोजनामा शनिबार सम्पन्न रक्तदान कार्यक्रममा ५१ जनाले रक्तदान गरेका छन्। क्लबको २६औँ वार्षिकोत्सवको अवसरमा आयोजित कार्यक्रममा युवाहरूले उत्साहपूर्वक रक्तदान गरेका हुन्।
‘रक्तदान जीवनदान’ भन्ने मूल नाराका साथ क्लब भवनको प्राङ्गणमा बिहान ९ः३० बजेदेखि रक्तदान कार्यक्रम सञ्चालन गरिएको थियो।
कार्यक्रममा वडा अध्यक्ष रमेश यादवको उपस्थिति रहेको थियो। उनले रक्तदानजस्तो मानवीय सेवामूलक कार्यले समाजमा सकारात्मक सन्देश प्रवाह गर्नुका साथै आवश्यक परेका बिरामीको जीवन बचाउन महत्वपूर्ण भूमिका खेल्ने बताए।
रक्तदान कार्यक्रममा सहभागी रक्तदाताहरूले रक्तदानले अरूको जीवन बचाउन महत्वपूर्ण योगदान पुर्याउने भन्दै यस्ता सामाजिक तथा मानवीय सेवाका कार्यलाई निरन्तरता दिनुपर्ने धारणा व्यक्त गरेका थिए।
क्लबले सामाजिक उत्तरदायित्वअन्तर्गत स्वस्थ समाज निर्माण र मानवीय सेवाको भावनालाई प्रोत्साहन गर्ने उद्देश्यले कार्यक्रम आयोजना गरेको जनाएको छ।
रक्तदान गर्नेहरूमा राकेश पटेल, पवन ठाकुर, नवीन पटेल, वासिम अहमद, आदर्श साह, भगवान यादव, राजेश यादव, पनालाल यादव, अनिल साह कानु, सुशील यादव, शिव शम्भु यादव, हरिकिशोर यादव, अनिल साह सोनार, अर्जुन यादव, अलिसेर राय, संगम यादव, पप्पु यादव, अर्जुन साह, सन्तोष ठाकुर, यश यादव र राज सर्राफलगायत रहेका छन्।
क्लबले कार्यक्रममा सहभागी भई अमूल्य योगदान पुर्याउने सम्पूर्ण रक्तदाताहरू, वडा अध्यक्ष, सहयोगी तथा शुभेच्छुकहरूप्रति आभार व्यक्त गरेको छ।








