वीरगंज । बैंकिङ कसुर मुद्दामा अदालतबाट कैद तथा जरिवाना सजाय सुनाइएपछि फरार रहेकी प्रतिवादी रन्जु कुमारी पक्राउ परेकी छन् ।
नेपाल प्रहरी प्रदेश कार्यालय वीरगंजबाट खटिएको प्रहरी टोलीले महोत्तरीको बर्दिबास नगरपालिका–१४ निवासी रन्जु कुमारीलाई यही जेठ ८ गते साँझ करिब ५ बजे सर्लाहीको ईश्वरपुर नगरपालिका–६ स्थित सार्वजनिक बाटोबाट पक्राउ गरेको हो ।
प्रहरीका अनुसार पक्राउ परेकी कुमारीविरुद्ध बैंकिङ कसुर मुद्दामा महोत्तरी जिल्ला अदालत ले २०८१ चैत २१ गते १० दिन कैद तथा १७ लाख ४८ हजार रुपैयाँ जरिवानाको फैसला गरेको थियो ।
पक्राउपछि उनलाई फैसला कार्यान्वयनका लागि महोत्तरी जिल्ला अदालतमा उपस्थित गराइएको थियो । अदालतको २०८३ जेठ १२ गतेको पत्रादेशअनुसार कैद भुक्तानका लागि कारागार कार्यालय सिन्धुली पठाइएको नेपाल प्रहरी प्रदेश कार्यालय वीरगंजले जनाएको छ ।
