वीरगंज । आर्थिक वर्ष २०८२/०८३ को वार्षिक कार्यसम्पादन मूल्यांकनमा मधेश प्रदेशका जिल्ला प्रहरी कार्यालयहरूमध्ये जिल्ला प्रहरी कार्यालय पर्सा उत्कृष्ट घोषित भएको छ ।
उत्कृष्ट कार्यसम्पादन गरेबापत मधेश प्रदेश प्रहरी कार्यालय जनकपुरका प्रमुख प्रहरी नायब महानिरीक्षक गोविन्द थपलियाले जिल्ला प्रहरी कार्यालय पर्साका प्रमुख प्रहरी उपरीक्षक सुदीप राज पाठकलाई प्रशंसापत्रसहित सम्मान गरेका हुन् ।
जिल्ला प्रहरी कार्यालय पर्साका अनुसार शान्ति सुरक्षा, अपराध नियन्त्रण तथा सेवा प्रवाहलगायत विभिन्न सूचकका आधारमा गरिएको मूल्यांकनमा पर्सा उत्कृष्ट ठहरिएको हो ।
सम्मान प्राप्त गरेपछि प्रहरी उपरीक्षक पाठकले उक्त उपलब्धि सम्पूर्ण प्रहरी कर्मचारीको सामूहिक मेहनत र नागरिकको सहयोगको परिणाम भएको बताएका छन् ।
