वीरगंज । राष्ट्रिय स्वतन्त्र पार्टी (रास्वपा) पर्साको जिराभावानी गाउँपालिकामा प्रथम गाउँपालिका स्तरीय भेला सम्पन्न भएको छ । शनिबार सम्पन्न भेलाले रामाकान्त प्रसाद चौधरीको नेतृत्वमा ११ सदस्यीय गाउँपालिका समिति गठन गरेको हो ।
नवगठित समितिको सभापतिमा रामाकान्त प्रसाद चौधरी चयन भएका छन् भने उपसभापतिमा संजय प्रसाद राय, सचिवमा लहवर राम र सह–सचिवमा सरस्वती महतो चयन भएका छन् ।
त्यसैगरी सदस्यहरूमा रिता मात्रिका प्रसाद लामिछाने, सुमित बराल, लालदेव दास, हिरामती राम, पुतरिया देवी, राहुल महतो तथा साधना देवी रहेका छन् ।
भेलाले ५ सदस्यीय सल्लाहकार समिति पनि गठन गरेको छ । समितिमा लेखनाथ बराल, रमेश प्रसाद यादव, बिरेन्द्र साह कानु, राजकिशोर दास थारु र विनोद राउत चयन भएका छन् ।
रास्वपा पर्सा क्षेत्र नं. ४ का सभापति जितेन्द्र मिश्राको सभापतित्व तथा रास्वपा मधेश प्रदेश सभापति ई. तपेश्वर यादवको प्रमुख आतिथ्यतामा कार्यक्रम सम्पन्न भएको थियो ।
भेलामा जिल्ला सभापति हरि पन्त, उपसभापति तुलसा पौडेल अधिकारी, जिल्ला सचिव सुदिश प्रजापति, जिल्ला कोषाध्यक्ष दिलिप प्रसाद कुर्मी लगायत पार्टीका स्थानीय नेता–कार्यकर्ता, शुभेच्छुक तथा विभिन्न वडा समितिका पदाधिकारी र सदस्यहरूको उल्लेखनीय उपस्थिति रहेको थियो ।
