वीरगंज । राष्ट्रिय स्वतन्त्र पार्टी (रास्वपा) पर्साको जगरनाथपुर गाउँपालिकामा प्रथम गाउँपालिका स्तरीय भेला सम्पन्न भएको छ । शनिबार सम्पन्न भेलाले प्रशुराम साहको नेतृत्वमा ११ सदस्यीय गाउँपालिका समिति गठन गरेको हो ।
नवगठित समितिको सभापतिमा प्रशुराम साह, उपसभापतिमा नुर आलम राउत गद्दी तथा सचिवमा जन्नजय प्रसाद यादव चयन भएका छन् । त्यसैगरी समितिकाे सदस्यहरूमा रिता देवी, सुनिल प्रसाद यादव, म. हविल गद्दी, हरिकिशोर मुखिया विन, रामबाबु प्रसाद चौहान, सुनिल कुमार चौरसिया, अनिता कुमारी र सोनामती देवी चुनिएका छन् ।
भेला रास्वपा पर्सा क्षेत्र नं. ४ का सभापति जितेन्द्र मिश्राको सभापतित्व तथा रास्वपा मधेश प्रदेश सभापति ई. तपेश्वर यादवको प्रमुख आतिथ्यतामा सम्पन्न भएको थियो । भेलामा जिल्ला सभापति हरि पन्त, उपसभापति तुलसा पौडेल अधिकारीलगायत पार्टीका स्थानीय नेता–कार्यकर्ता, शुभेच्छुक तथा विभिन्न वडा समितिका पदाधिकारी र सदस्यहरूको उल्लेखनीय उपस्थिति रहेको थियो ।
