वीरगंज । सर्लाहीको क्षेत्र नं. ३ का प्रतिनिधि सभा सदस्य नरेन्द्र साहले पर्साको सखुवा प्रसौनी गाउँपालिका–६ निवासी जेनजि अर्जुन शाहलाई आफ्नो राजनीतिक सल्लाहकार (Political Advisor) पदमा नियुक्त गरेका छन् ।
राष्ट्रिय स्वतन्त्र पार्टी (रास्वपा) बाट निर्वाचित सांसद साहले अर्जुन शाहको अनुभव, योग्यता, क्षमता, राजनीतिक सुझबुझ, सामाजिक सक्रियता तथा सार्वजनिक जीवनमा रहेको योगदानलाई मध्यनजर गर्दै आजकै मितिदेखि लागू हुने गरी राजनीतिक सल्लाहकारको जिम्मेवारी प्रदान गरिएको वताए ।
सांसद साहले संसदीय कार्य, जनसम्पर्क, नीति तथा परामर्श तथा निर्वाचन क्षेत्र विकाससँग सम्बन्धित विविध विषयमा आवश्यक राजनीतिक सुझाव, सल्लाह र सहयोग प्रदान गर्ने विश्वास व्यक्त गरेका छन् ।
सांसद साहले जेनजी अगुवा समेत रहेका अर्जुन शाहलाई जेनजी आन्दोलनको मर्म अनुसार काम गर्न राजनीतिक सल्लाहकारमा न्युक्त गरेको जनाएका छन् ।
