Date
मङ्ल, मंसिर १, २०८३
Tue, November 17, 2026

पर्सा–४ का २७ वडामा रास्वपाको वडा भेला सम्पन्न, ५ वडामा स्थगित

spot_img
spot_img

वीरगंज । राष्ट्रिय स्वतन्त्र पार्टी (रास्वपा) पर्सा क्षेत्र नं. ४ अन्तर्गत २७ वटा वडामा वडा भेला सम्पन्न भएको छ । क्षेत्र अन्तर्गतका ३२ वडामध्ये २७ वटामा वडा भेला सम्पन्न भएको तथा ५ वडामा भेला स्थगित भएको क्षेत्रीय सभापति जितेन्द्र मिश्राले जानकारी दिएका छन् ।

उनका अनुसार केन्द्रीय निर्देशनअनुसार क्षेत्र अन्तर्गतका ठोरी, जिराभवानी, जगरनाथपुर र धोबिनी गाउँपालिकाका सबै वडामा वडा भेला सम्पन्न भएको क्षेत्रिय सभापति जितेन्द्र मिश्राले जानकारी दिए ।

ठोरी गाउँपालिकाको वडा नं. १ मा टकबहादुर कुंवर, वडा नं. २ मा रवि प्रसाद पौडेल, वडा नं. ३ मा रञ्जित बस्नेत, वडा नं. ४ मा होमबहादुर श्रेष्ठ तथा वडा नं. ५ मा बिख्रबहादुर श्रेष्ठको नेतृत्वमा वडा तदर्थ समिति गठन गरिएको छ ।

त्यसैगरी जिराभवानी गाउँपालिकाको वडा नं. १ मा राजहरण चौधरी, वडा नं. २ मा विशाल गुप्ता, वडा नं. ३ मा अजितकुमार राय, वडा नं. ४ मा रामप्रबेश राउत थारु तथा वडा नं. ५ मा रुदल रौरा थारुको नेतृत्वमा वडा स्तरीय तदर्थ समिति गठन गरिएको छ ।

जगरनाथपुर गाउँपालिकाको वडा नं. १ मा भरतसिंह क्षेत्री, वडा नं. २ मा मनोज केंवट, वडा नं. ३ मा पारस यादव, वडा नं. ४ मा सोनु मियाँ तथा वडा नं. ५ मा ओम सहनीको नेतृत्वमा वडा तदर्थ समिति गठन गरिएको छ ।

यस्तै धोबिनी गाउँपालिकाको वडा नं. १ मा रुपनारायण पटेल, वडा नं. २ मा चन्द्रिका पटेल, वडा नं. ३ मा शम्भु पटेल, वडा नं. ४ मा रोशन पटेल तथा वडा नं. ५ मा सुरेश साह सभापति चयन भएका छन् ।

छिपहरमाई गाउँपालिकाको वडा नं. १ र ४ मा वडा अधिवेशन सम्पन्न भएको छ । अधिवेशनबाट वडा नं. १ मा प्रमेश्वर पटेल तथा वडा नं. ४ मा ज्ञानकुमार पाण्डेको नेतृत्वमा समिति गठन गरिएको छ । वडा नं. ५ को भेलाले साहिद अहमदको सभापतित्वमा तदर्थ समिति गठन गरेको छ भने वडा नं. २ को अधिवेशन स्थगित भएको बताइएको छ ।

त्यसैगरी कालिकामाई गाउँपालिकाका वडा नं. १, २, ४ र ५ मा वडा भेला सम्पन्न भएको छ भने वडा नं. ३ को भेला स्थगित भएको छ । भेलाले वडा नं. १ मा लालबाबु राउत बरई, वडा नं. २ मा मनमोहन प्रसाद चौरसिया, वडा नं. ४ मा विकास कुशवाहा तथा वडा नं. ५ मा धनिलाल राउत कुर्मीको सभापतित्वमा तदर्थ समिति सर्वसम्मत गठन गरेको जनाएको छ ।

क्षेत्र अन्तर्गत पकहाँ मैनपुर गाउँपालिकाको वडा नं. ५ तथा पोखरिया नगरपालिका–३ बसन्तपुरको वडा भेला हुन बाँकी रहेको बताइएको छ । बाँकी वडाका भेला तथा अधिवेशन जिल्ला भेला पछि गरिने क्षेत्रीय सभापति मिश्राले जानकारी दिए ।

उनका अनुसार अब केन्द्रीय कार्यतालिकाअनुसार पालिका भेलाहरू आयोजना हुँदैछन् । जेठ ८ गते शनिबार जिराभवानी, जगरनाथपुर र कालिकामाई गाउँपालिकाको पालिका भेला आयोजना गरिएको तथा ती भेलाले पालिकास्तरीय तदर्थ समिति गठन गर्नेछन् ।

spot_img

ताजा अपडेट

spot_img
spot_img
spot_img
कालिका टाईम्स
कालिका टाईम्सhttps://kalikatimes.com
सम्पर्क: ९८५५०३५४५७ | ९८५५०३३१३५, इमेल: kalikatimesdaily@gmail.com

LEAVE A REPLY

Please enter your comment!
Please enter your name here

थप समाचार

बर्वा छठघाटमा डिजेको आतंक मच्चाउने पाँच जना प्रहरी नियन्त्रणमा

वीरगञ्ज । छठघाटमा ठूलो आवाजमा डिजे बजाएर सार्वजनिक स्थलमा अशान्ति मच्चाएको तथा शान्ति सुरक्षामा खलल पुर्‍याएको आरोपमा पर्सा प्रहरीले पाँच जनालाई पक्राउ गरेको छ...

आज छठ पर्वको मुख्य दिन : अस्ताउँदो सूर्यलाई अर्घ्य दिएर गरिँदैछ पूजा–आराधना

वीरगञ्ज । लोकआस्थाको महापर्व छठको मुख्य दिन आज देशभरका छठ घाट तथा जलाशयहरूमा व्रतालुहरूले अस्ताउँदो सूर्यलाई अर्घ्य दिएर पूजा–आराधना गर्दैछन्। चार दिनसम्म मनाइने छठ...

राष्ट्रीय पर्व छठलाई रास्वपाको मूल नेतृत्वले वीरगञ्ज र जनकपुरमा मात्रै सिमित गराउन खोज्यो : अध्यक्ष रन्जु साह

काठमाडौं । आम महिला मोर्चाको अध्यक्ष रन्जु कुमारी साहले रास्वपाको मूल नेतृत्वले विश्वभरि फैलिएको लोकआस्थाको महान राष्ट्रीय पर्व छठलाई जनकपुर र वीरगञ्जमा मात्रै सिमित...