Date
मङ्ल, मंसिर १, २०८३
Tue, November 17, 2026

कुनै छानबिन नगरी रास्वपाले मेरो सदस्यता खारेज गर्‍यो : चन्दन स्वर्णकार

spot_img
spot_img

वीरगंज । राष्ट्रिय स्वतन्त्र पार्टी (रास्वपा) बाराका सभापति चन्दन कुमार स्वर्णकारले पार्टीले आफ्नो सदस्यता खारेज गरेपछि कडा असन्तुष्टि व्यक्त गरेका छन् ।

सामाजिक सञ्जालमार्फत प्रतिक्रिया जनाउँदै स्वर्णकारले आफूविरुद्ध षड्यन्त्र गरिएको दाबी गर्दै “अन्ततः मेरो राजनीतिक हत्या भयो, अब फैसला महागढीमाई र बाराका जनताको हातमा छ” बताएका हुन् ।

उनले कुनै निष्पक्ष छानबिन नगरी तथ्य र प्रमाणलाई बेवास्ता गर्दै जेठ ९ गते हुने विस्तारित बैठक तथा अधिवेशनअघि नै आफूलाई साधारण सदस्यसमेत नरहने गरी पार्टीबाट हटाइएको आरोप लगाए ।

स्वर्णकारले अधिवेशनमा इमानदार कार्यकर्ताले आफूलाई पुनः जिल्ला सभापतिमा निर्वाचित गर्ने सम्भावनाबाट डराएर केही नेताहरूको दबाबमा पार्टीले निष्कासनको निर्णय गरेको दाबी गरेका छन् ।

“रास्वपाको एउटा प्राविधिक पानाबाट मेरो नाम हटाइएला, तर महागढीमाई र बाराका स्वाभिमानी जनताको मुटुबाट मेरो नाम कसैले हटाउन सक्ने छैन,” उनले लेखेका छन् ।

उनले पार्टीको निर्णयलाई “अन्यायपूर्ण” भन्दै जेठ ९ गते हुने विस्तारित बैठकलाई बाराका कार्यकर्ताले समयमै जवाफ दिने चेतावनीसमेत दिएका छन् ।

स्वर्णकारले आफ्नो राजनीतिक यात्रा रास्वपामै सीमित नरहेको उल्लेख गर्दै अब स्वतन्त्र रूपमा महागढीमाई र बाराका जनताको सेवामा अझ सशक्त ढंगले अगाडि बढ्ने बताएका छन् । साथै आगामी स्थानीय तह निर्वाचनमा जनताले नै आफ्नो फैसला गर्ने उनको भनाइ छ ।

उनले न्यायको लडाइँमा साथ दिने सम्पूर्णप्रति आभार व्यक्त गर्दै “जय बारा, जय महागढीमाई” उल्लेख गरेका छन् ।

spot_img

ताजा अपडेट

spot_img
spot_img
spot_img
कालिका टाईम्स
कालिका टाईम्सhttps://kalikatimes.com
सम्पर्क: ९८५५०३५४५७ | ९८५५०३३१३५, इमेल: kalikatimesdaily@gmail.com

LEAVE A REPLY

Please enter your comment!
Please enter your name here

थप समाचार

बर्वा छठघाटमा डिजेको आतंक मच्चाउने पाँच जना प्रहरी नियन्त्रणमा

वीरगञ्ज । छठघाटमा ठूलो आवाजमा डिजे बजाएर सार्वजनिक स्थलमा अशान्ति मच्चाएको तथा शान्ति सुरक्षामा खलल पुर्‍याएको आरोपमा पर्सा प्रहरीले पाँच जनालाई पक्राउ गरेको छ...

आज छठ पर्वको मुख्य दिन : अस्ताउँदो सूर्यलाई अर्घ्य दिएर गरिँदैछ पूजा–आराधना

वीरगञ्ज । लोकआस्थाको महापर्व छठको मुख्य दिन आज देशभरका छठ घाट तथा जलाशयहरूमा व्रतालुहरूले अस्ताउँदो सूर्यलाई अर्घ्य दिएर पूजा–आराधना गर्दैछन्। चार दिनसम्म मनाइने छठ...

राष्ट्रीय पर्व छठलाई रास्वपाको मूल नेतृत्वले वीरगञ्ज र जनकपुरमा मात्रै सिमित गराउन खोज्यो : अध्यक्ष रन्जु साह

काठमाडौं । आम महिला मोर्चाको अध्यक्ष रन्जु कुमारी साहले रास्वपाको मूल नेतृत्वले विश्वभरि फैलिएको लोकआस्थाको महान राष्ट्रीय पर्व छठलाई जनकपुर र वीरगञ्जमा मात्रै सिमित...