वीरगंज । पोखराको लिचीबारी भ्रष्टाचार प्रकरणमा थुनामा रहेका पूर्व सङ्घीय मामिला तथा सामान्य प्रशासन मन्त्री राजकुमार गुप्तालाई धराैटीमा छाड्न सर्वोच्च अदालतले आदेश गरेकाे छ ।
सर्वोच्च अदालतको इजलास नं. ७ का न्यायाधीश शारङ्गा सुवेदी र सुनिल कुमार पोखरेलको संयुक्त इजलासले विशेष अदालतको आदेशलाई बदर गर्दै धरौटी माग गर्ने आदेश दिएकाे हो ।
सर्वोच्च अदालतका प्रवक्ता सह–रजिस्ट्रार अर्जुनप्रसाद कोइरालाले मंगलबार विशेषकाे आदेश बदर गर्दै धराैटी माग गर्ने आदेश भए पनि लिखित आदेश आइनसकेकाले कति रकम धरौटी माग गरिएको हो भन्ने विषय बुधबार मात्र खुल्ने जानकारी दिए ।
यसअघि २०८२ पुस १६ गते विशेष अदालतका न्यायाधीशहरू सुदर्शनदेव भट्ट, डिल्लीरत्न श्रेष्ठ र विदुर कोइराला सम्मिलित इजलासले पूर्वमन्त्री गुप्तालाई थुनामा राखेर अनुसन्धान अघि बढाउन आदेश दिएको थियो ।
