वीरगंज । वीरगंज भन्सार कार्यालयले चालु आर्थिक वर्ष २०८२/०८३ को १० महिनामा एक खर्ब ९९ अर्ब ४० करोड रुपैयाँ राजस्व संकलन गरेको जनाएको छ ।
भन्सार विभागले कार्यालयलाई दुई खर्ब २३ अर्ब १८ करोड रुपैयाँ राजस्व संकलन गर्ने लक्ष्य दिएको भए पनि हालसम्म लक्ष्यको ८९ दशमलव ३५ प्रतिशत राजस्व उठेको हो ।
कार्यालयका अनुसार साउन महिनामा १८ अर्ब ४४ करोड, भदौमा २० अर्ब ७३ करोड र असोजमा १९ अर्ब ९ करोड रुपैयाँ राजस्व संकलन गरिएको थियो । यस्तै कात्तिकमा १७ अर्ब ३३ करोड, मंसिरमा २० अर्ब ८० करोड तथा पुसमा २० अर्ब २० करोड रुपैयाँ राजस्व उठेको जनाएको छ ।
त्यसैगरी माघमा १८ अर्ब ९२ करोड, फागुनमा १९ अर्ब ३४ करोड, चैतमा २२ अर्ब ८२ करोड र वैशाखमा २१ अर्ब ७४ करोड रुपैयाँ राजस्व संकलन गरिएको कार्यालयले जनाएको छ ।
उदयसिंह विष्टले चालु आर्थिक वर्षमा लक्ष्यअनुसार राजस्व संकलन भइरहेकाले अवस्था सन्तोषजनक रहेको बताए ।
भन्सार विभागले कार्यालयलाई चालु आवभरिमा दुई खर्ब ७३ अर्ब ३९ करोड रुपैयाँ राजस्व संकलन गर्ने लक्ष्य दिएको छ । आर्थिक वर्षको अझै दुई महिना बाँकी रहेकाले थप राजस्व संकलन हुने अपेक्षा कार्यालयले गरेको छ ।
