Date
बिहि, मंसिर ३, २०८३
Thu, November 19, 2026

अन्तर्राष्ट्रिय नर्सिङ दिवसमा नेशनल मेडिकल कलेजमा नर्सहरूको सम्मान

spot_img
spot_img

वीरगंज । २०६औँ अन्तर्राष्ट्रिय नर्सिङ दिवसको अवसरमा नेशनल मेडिकल कलेज वीरगंजद्वारा आयोजित विशेष कार्यक्रम वीरगञ्जस्थित कलेजको लेक्चर थिएटर–१ मा भव्य रूपमा सम्पन्न भएको छ ।

“हाम्रा नर्स, हाम्रो भविष्य – सशक्त नर्सहरूले जीवनको सेवा गर्छन्” भन्ने मूल नारासहित आयोजित कार्यक्रममा नर्सिङ निर्देशक प्रा. गंगा गुरुङको अध्यक्षता तथा कलेजका अध्यक्ष प्रा.डा. जैनुदिन अन्सारीको प्रमुख आतिथ्यता रहेको थियो।

कार्यक्रममा प्रबन्ध निर्देशक शहनवाज अन्सारी, शैक्षिक निर्देशक डा. रुबी श्रेष्ठ, एडमिसन तथा मार्केटिङ निर्देशक आबिद हुसेन अन्सारी तथा अस्पताल निर्देशक डा. इशरत जहाँ अन्सारीलगायतको उपस्थिति रहेको थियो।

कार्यक्रमको सुरुवात राष्ट्रिय गान तथा पानस प्रज्वलनबाट गरिएको थियो। त्यसपछि नर्सिङ विद्यार्थीहरूले दीप प्रज्वलन तथा शपथ ग्रहण गरेका थिए। स्वागत नृत्यसहित विभिन्न सांस्कृतिक प्रस्तुतिहरूले कार्यक्रमलाई थप आकर्षक बनाएको थियो।

कार्यक्रममा प्राचार्य प्रा.डा. के.एन. सिंह, उप–प्राचार्य प्रा.डा. रविशंकर गुप्ता तथा नर्सिङ क्याम्पसकी उप–प्राचार्य प्रा.डा. बबिता सिंहले नर्सिङ पेशाको गरिमा, समर्पण र स्वास्थ्य सेवामा नर्सहरूको अतुलनीय योगदानबारे धारणा राखेका थिए।

त्यसैगरी अतिथिहरूले नर्सहरू स्वास्थ्य प्रणालीको मेरुदण्ड भएको उल्लेख गर्दै उनीहरूको सेवाभाव र समर्पणको उच्च प्रशंसा गरेका थिए। कार्यक्रममा पाँच वर्षभन्दा बढी समयदेखि सेवा गर्दै आएका नर्सहरूलाई विशेष सम्मान समेत गरिएको थियो। साथै अस्पतालका कर्मचारीहरूले सांस्कृतिक नृत्य प्रस्तुत गरेका थिए ।

कार्यक्रम संयोजक तथा प्राध्यापक जाफ्रे आलम अन्सारीले धन्यवाद ज्ञापन गर्नुभएको कार्यक्रममा विभिन्न विभागका प्राध्यापक, चिकित्सक, नर्सिङ विद्यार्थी, अस्पतालका कर्मचारी तथा सञ्चारकर्मीहरूको उल्लेखनीय उपस्थिति रहेको थियो ।

spot_img

ताजा अपडेट

spot_img
spot_img
spot_img
कालिका टाईम्स
कालिका टाईम्सhttps://kalikatimes.com
सम्पर्क: ९८५५०३५४५७ | ९८५५०३३१३५, इमेल: kalikatimesdaily@gmail.com

LEAVE A REPLY

Please enter your comment!
Please enter your name here

थप समाचार

जालिम मियाँका माइला छोरा बसीर अहमद रास्वपामा प्रवेश

वीरगंज । नेकपा एमालेका नेता एवं पर्साको जगरनाथपुर गाउँपालिकाका पूर्व अध्यक्ष जालिम मियाँका माइला छोरा बसीर अहमद राष्ट्रिय स्वतन्त्र पार्टी (रास्वपा) मा प्रवेश गरेका...

पर्सामा एक महिनामा ११८ अपराधका घटना, १२२ फरार प्रतिवादी पक्राउ

वीरगञ्ज । जिल्ला प्रहरी कार्यालय पर्साले २०८३ साल कात्तिक महिनामा जिल्लाभर अपराध नियन्त्रण, अनुसन्धान, लागूऔषध कारोबार नियन्त्रण तथा अवैध गतिविधिविरुद्ध सञ्चालन गरेका कारबाहीको विवरण...

गौरको नेपाल–भारत सीमा क्षेत्रबाट ९ एमएमका २७ थान गोली बरामद

रौतहट । रौतहटको गौर नगरपालिका–१ कानुपट्टीस्थित नेपाल–भारत सीमा क्षेत्रबाट सुरक्षाकर्मीले ९ एमएमका २७ थान गोली बरामद गरेका छन्। मंगलबार सीमा क्षेत्रमा गस्ती गर्ने क्रममा सशस्त्र...