Date
बिहि, मंसिर ३, २०८३
Thu, November 19, 2026

वीरगंजमा रगतको चरम अभाव, रक्तदान गर्न आग्रह

spot_img
spot_img

वीरगंज । अत्यधिक गर्मी बढेसँगै वीरगंजस्थित रक्त सञ्चार केन्द्रमा विभिन्न समूहका रगतको अभाव भएको छ। केन्द्रका प्रमुख सरोज राज पाण्डेका अनुसार हाल केन्द्रमा O Positive (0+ve) बाहेक अन्य कुनै पनि रक्त समूहको पर्याप्त मौज्दात छैन ।

उनका अनुसार वीरगंजका विभिन्न अस्पतालमा उपचाररत बिरामीको संख्या बढ्दै गएपछि रगतको माग उच्च भएको छ । दुर्घटना, शल्यक्रिया, प्रसूति तथा दीर्घरोगी बिरामीका लागि दैनिक ठूलो मात्रामा रगत आवश्यक पर्ने भए पनि पछिल्लो समय रक्तदान कार्यक्रम न्यून हुँदा समस्या जटिल बन्दै गएको उनले बताए ।

गर्मी मौसमका कारण विभिन्न संघ/संस्था तथा क्लबहरूले नियमित रूपमा आयोजना गर्दै आएका रक्तदान कार्यक्रम कम भएका कारण रगत संकलनमा असर परेको केन्द्रको भनाइ छ । “अस्पतालहरूबाट दैनिक रगतको माग आइरहेको छ, तर आवश्यक परिमाणमा रगत उपलब्ध गराउन कठिन भइरहेको छ,” प्रमुख पाण्डेले भने ।

रक्त सञ्चार केन्द्रले सामाजिक संघसंस्था, युवा क्लब, शैक्षिक संस्था तथा सर्वसाधारणलाई रक्तदान कार्यक्रम आयोजना गर्न तथा स्वेच्छिक रक्तदानमा सहभागी हुन आग्रह गरेको छ । केन्द्रले स्वस्थ व्यक्तिलाई रक्तदान गर्न आग्रह गर्दै एक युनिट रगतले कसैको ज्यान बचाउन सक्ने उल्लेख गरेको छ ।

रक्त अभावका कारण आकस्मिक बिरामी तथा शल्यक्रियामा समेत समस्या हुन सक्ने भन्दै केन्द्रले समयमै रक्तदान गरी मानवीय सहयोग गर्न सबैमा अपिल गरेको छ ।

spot_img

ताजा अपडेट

spot_img
spot_img
spot_img
कालिका टाईम्स
कालिका टाईम्सhttps://kalikatimes.com
सम्पर्क: ९८५५०३५४५७ | ९८५५०३३१३५, इमेल: kalikatimesdaily@gmail.com

LEAVE A REPLY

Please enter your comment!
Please enter your name here

थप समाचार

जालिम मियाँका माइला छोरा बसीर अहमद रास्वपामा प्रवेश

वीरगंज । नेकपा एमालेका नेता एवं पर्साको जगरनाथपुर गाउँपालिकाका पूर्व अध्यक्ष जालिम मियाँका माइला छोरा बसीर अहमद राष्ट्रिय स्वतन्त्र पार्टी (रास्वपा) मा प्रवेश गरेका...

पर्सामा एक महिनामा ११८ अपराधका घटना, १२२ फरार प्रतिवादी पक्राउ

वीरगञ्ज । जिल्ला प्रहरी कार्यालय पर्साले २०८३ साल कात्तिक महिनामा जिल्लाभर अपराध नियन्त्रण, अनुसन्धान, लागूऔषध कारोबार नियन्त्रण तथा अवैध गतिविधिविरुद्ध सञ्चालन गरेका कारबाहीको विवरण...

गौरको नेपाल–भारत सीमा क्षेत्रबाट ९ एमएमका २७ थान गोली बरामद

रौतहट । रौतहटको गौर नगरपालिका–१ कानुपट्टीस्थित नेपाल–भारत सीमा क्षेत्रबाट सुरक्षाकर्मीले ९ एमएमका २७ थान गोली बरामद गरेका छन्। मंगलबार सीमा क्षेत्रमा गस्ती गर्ने क्रममा सशस्त्र...