पोखरिया । पर्साको पोखरियामा सम्पन्न एक भेलाले बैश्य समाज पोखरिया नगर समिति सर्वसम्मत रूपमा गठन गरेको छ। कुल ९ सदस्यीय समिति गठन गरिएको हो।
समितिको अध्यक्षमा रामेश्वर साह तेली, उपाध्यक्षमा अजय प्रसाद कलवार र सचिवमा शैलेश साह कानु चयन भएका छन्। त्यस्तै सदस्यहरूमा उमेश साह कानु, बलिराम साह तेली, रामचन्द्र साह तेली, शिनाथ साह तेली, साधु साह रौनियार तथा रामचन्द्र साह तेली रहेका छन्।
बैश्य समाज पर्साका जिल्ला अध्यक्ष डा. सन्तोष कुमार साहको अध्यक्षतामा सम्पन्न कार्यक्रममा तेली समाज नेपालका केन्द्रीय अध्यक्ष विश्वनाथ साह तेली प्रमुख अतिथिका रूपमा सहभागी थिए।
कार्यक्रममा कानु समाज नेपालका केन्द्रीय अध्यक्ष किशोरी साह कानु, पूर्व सांसद अरिनारायण रौनियार, पोखरिया नगरपालिकाका पूर्व मेयर दिपनारायण प्रसाद रौनियार, बैश्य समाज नेपालका केन्द्रीय सदस्य असरफी साह तेली, तेली समाज नेपाल पोखरिया नगर समितिका अध्यक्ष मोहन साह तेली, राजेश प्रसाद रौनियारलगायत विभिन्न समाजसेवी तथा अगुवाहरूको उपस्थिति रहेको थियो।
नवनिर्वाचित पदाधिकारीहरूले बैश्य समाजको एकता, सामाजिक विकास, शिक्षा, आर्थिक सशक्तिकरण तथा राज्यका विभिन्न निकायमा समुदायको सहभागिता वृद्धि गर्न सक्रिय भूमिका निर्वाह गर्ने प्रतिबद्धता व्यक्त गरेका छन्। वक्ताहरूले समुदाय अझै पनि छरिएर रहेको उल्लेख गर्दै आगामी दिनमा संगठित भएर हकहित र उत्थानका लागि अघि बढ्नुपर्नेमा जोड दिएका छन्।
