वीरगंज । वीरगंज महानगरपालिका–१२, मुर्लीस्थित विद्या सदन माध्यमिक विद्यालयमा एकदिने “प्रारम्भिक बालविकास (ईसिडी) अभिमुखीकरण कार्यक्रम” सफलतापूर्वक सम्पन्न भएको छ।
अभ्यास नेपाल शैक्षिक प्रतिष्ठान प्रा. लि. को आयोजनामा सम्पन्न उक्त कार्यक्रममा विद्यालयका प्रि–प्राइमरी तहमा अध्यापनरत शिक्षक–शिक्षिकाहरूको उत्साहपूर्ण तथा सक्रिय सहभागिता रहेको थियो।
कार्यक्रममा प्रारम्भिक बालविकास शिक्षाको महत्व, बालमैत्री शिक्षण पद्धति, सिर्जनात्मक कक्षाकोठा व्यवस्थापन, प्रभावकारी शिक्षण–सिकाइ प्रक्रिया तथा बालबालिकाको समग्र विकाससँग सम्बन्धित विविध पक्षहरूबारे विस्तृत अभिमुखीकरण प्रदान गरिएको थियो।
तालिमका क्रममा सहभागी शिक्षक–शिक्षिकाहरू अत्यन्त उत्साहित देखिएका थिए। उनीहरूले यस्ता कार्यक्रमहरूले आफ्नो शिक्षण सीप, आत्मविश्वास तथा पेशागत दक्षता अभिवृद्धिमा महत्वपूर्ण योगदान पुर्याउने विश्वास व्यक्त गरेका छन्।
विद्यालय प्रशासनले प्रारम्भिक तहको शिक्षा बालबालिकाको भविष्य निर्माणको आधार भएकाले यस तहका शिक्षकहरूको क्षमता विकासलाई विशेष प्राथमिकतामा राखिएको जनाएको छ।
