वीरगंज । वीरगंज बचत तथा ऋण सहकारी संस्था (विस्को) लिमिटेडले आफ्नो २८औं वार्षिकोत्सवको अवसरमा रक्तदान कार्यक्रम सम्पन्न गरेको छ।
कार्यक्रममा ३ महिला सहित ३० जनाले रक्तदान गरेका छन्। रक्त संचार केन्द्र वीरगंजका अनुसार कार्यक्रममार्फत संकलित रगत आपतकालीन उपचारका लागि उपयोग गरिनेछ।
रक्तदान गर्नेहरूमा गीता पौडेल, वर्षा शाक्य, सञ्चारकर्मी युवराज खड्का, दीपेन्द्र साह, कृष्ण पटेल, विजयलाल नकर्मी, आशिष पौडेल, हिमांशु गुप्ता, नरेश चौधरी, राकेश कुमार गुप्ता, मदन पटेल लगायत सहभागी थिए।
संस्थाका अध्यक्ष डिल्ली बिक्रम कार्कीको अध्यक्षतामा सम्पन्न कार्यक्रमको उद्घाटन हरेराम प्रसादले गरेका थिए। कार्यक्रममा संस्थाका म्यानेजर बृजेश गुप्ता, सचिव श्रीमती ललिता आमात्य, रेशमकोठी उपशाखाका युवा संयोजक अभिलाष गुप्ता लगायतको उपस्थिति रहेको थियो।
