कलैया । कानु युथ वीरगंजले बारा जिल्लाको कलैया उपमहानगरपालिका–३ भवानीपुर निवासी एक आर्थिक रूपमा कमजोर कुर्मी परिवारलाई विवाहका लागि आवश्यक खाद्य सामग्री सहयोग गरेको छ।
उक्त परिवारकी छोरीको वैशाख १२ गते हिन्दु परम्परा अनुसार विवाह हुने तयारी भइरहेका बेला आर्थिक अभावका कारण समस्या उत्पन्न भएपछि संस्थाले करिब २५ हजार रुपैयाँ बराबरको सामग्री उपलब्ध गराएको हो।
कानु युथका सचिव श्रवण साहले समाजमा रहेका विपन्न तथा असहाय परिवारलाई सहयोग गर्नु संस्थाको मुख्य उद्देश्य रहेको बताउँदै यस्ता कार्यले समाजमा सकारात्मक सन्देश फैलाउने विश्वास व्यक्त गरे।
सहयोग सामग्री अन्तर्गत चामल २ बोरा, मसुरो २० किलो, चिनी २० किलो, आलु १ बोरा, प्याज २० किलो, रिफाइन तेल १ जार, तोरी (सरसो) तेल १ टिन, मैदा २० किलो, बेसन १० किलो, ग्यास २ सिलिन्डर तथा हरियो तरकारी लगायतका सामग्री प्रदान गरिएको उनले जानकारी दिए।
कानु युथका अध्यक्ष मनोज साहको नेतृत्वम उनकाे घरमै पुगी संस्थाकाे एक समुहले सहयाेग सामग्री हस्तान्तरण गरेकाे हाे । साे टाेलीमा संस्थाका सदस्य देवेन्द्र साह कानु, कानु समाज बाराका रमेश साह कानु, अजय साह लगायतको सहभागिता रहेको थियो।
