Date
बिहि, मंसिर ३, २०८३
Thu, November 19, 2026

इज्तिमामा विदेशी सहभागितामाथि कडाइ गर्न विश्व हिन्दू परिषद्को माग

spot_img
spot_img

वीरगंज । विश्व हिन्दू परिषद् नेपालले बारामा आयोजना हुन लागेको मुस्लिम समुदायको धार्मिक भेला ‘इज्तिमा’ मा विदेशी नागरिकहरूको सहभागिताले राष्ट्रिय सुरक्षामा चुनौती थप्न सक्ने भन्दै त्यसमा कडाइ गर्न प्रशासनसँग माग गरेको छ।

परिषद्ले बुधबार जिल्ला प्रशासन कार्यालय बारा र पर्सामा छुट्टाछुट्टै ध्यानाकर्षण पत्र बुझाउँदै विशेषगरी तेस्रो मुलुकका नागरिकहरूको अवैध प्रवेश र सहभागिता रोक्न प्रशासनको ध्यानाकर्षण गराएको हो। बारामा सहायक प्रमुख जिल्ला अधिकारी छविरमण भट्टराई र पर्सामा प्रमुख जिल्ला अधिकारी भोला दाहाललाई पत्र बुझाइएको परिषद्ले जनाएको छ।

आगामी वैशाख ११ देखि १४ गतेसम्म बाराको जितपुर–सिमरा उपमहानगरपालिका वडा नं. २४ हरपुरमा आयोजना हुने इज्तिमामा पाकिस्तान, बंगलादेश लगायतका इस्लामिक राष्ट्रहरूबाट सहभागीहरू आउने तयारी भइरहेको सूचनाका आधारमा परिषद्ले आपत्ति जनाएको हो।

ध्यानाकर्षण पत्रमा धार्मिक भेलाको आवरणमा छिमेकी तथा तेस्रो मुलुकबाट अवैध रूपमा विदेशीहरू नेपाल प्रवेश गरी लुकिछिपी बस्ने जोखिम रहेको उल्लेख गरिएको छ। यस्ता गतिविधिले देशको सुरक्षा संयन्त्र कमजोर पार्न सक्ने परिषद्को ठहर छ।

विगतका अनुभव उल्लेख गर्दै परिषद्ले इज्तिमामा आएका केही विदेशीहरू फर्केर नजाने र शरणार्थी वा अन्य बहानामा नेपालमै बस्ने सम्भावना रहेको आशंका व्यक्त गरेको छ। विशेषगरी बंगलादेश र म्यानमारबाट आएका रोहिङ्ग्याहरू यस्ता कार्यक्रमको फाइदा उठाउँदै नेपाल प्रवेश गर्न सक्ने भएकाले प्रशासन सचेत हुनुपर्ने बताइएको छ।

नेपाल–भारत सीमा क्षेत्रको संवेदनशीलतालाई ध्यानमा राख्दै परिषद्ले अवैध विदेशी घुसपैठ रोक्न र साम्प्रदायिक सद्भाव कायम राख्न कडाइ गर्न माग गरेको छ। साथै, कार्यक्रममा सुरक्षा निकाय र सञ्चारकर्मीको सहज पहुँच सुनिश्चित गर्दै गतिविधिहरूको पारदर्शी निगरानी गर्नुपर्ने सुझाव पनि दिइएको छ।

spot_img

ताजा अपडेट

spot_img
spot_img
spot_img
कालिका टाईम्स
कालिका टाईम्सhttps://kalikatimes.com
सम्पर्क: ९८५५०३५४५७ | ९८५५०३३१३५, इमेल: kalikatimesdaily@gmail.com

LEAVE A REPLY

Please enter your comment!
Please enter your name here

थप समाचार

जालिम मियाँका माइला छोरा बसीर अहमद रास्वपामा प्रवेश

वीरगंज । नेकपा एमालेका नेता एवं पर्साको जगरनाथपुर गाउँपालिकाका पूर्व अध्यक्ष जालिम मियाँका माइला छोरा बसीर अहमद राष्ट्रिय स्वतन्त्र पार्टी (रास्वपा) मा प्रवेश गरेका...

पर्सामा एक महिनामा ११८ अपराधका घटना, १२२ फरार प्रतिवादी पक्राउ

वीरगञ्ज । जिल्ला प्रहरी कार्यालय पर्साले २०८३ साल कात्तिक महिनामा जिल्लाभर अपराध नियन्त्रण, अनुसन्धान, लागूऔषध कारोबार नियन्त्रण तथा अवैध गतिविधिविरुद्ध सञ्चालन गरेका कारबाहीको विवरण...

गौरको नेपाल–भारत सीमा क्षेत्रबाट ९ एमएमका २७ थान गोली बरामद

रौतहट । रौतहटको गौर नगरपालिका–१ कानुपट्टीस्थित नेपाल–भारत सीमा क्षेत्रबाट सुरक्षाकर्मीले ९ एमएमका २७ थान गोली बरामद गरेका छन्। मंगलबार सीमा क्षेत्रमा गस्ती गर्ने क्रममा सशस्त्र...