वीरगंज । पर्साको सखुवा प्रसौनी गाउँपालिका वडा नं. ५ महुवनस्थित सुकुम्बासी दलित बस्तीमा साेमबार राति भएकाे आगलागी प्रभावित तीन परिवारलाई राहत सामग्री वितरण गरिएको छ।
बृजेश्वर प्रसाद चौघरीको विशेष पहलमा नाम नखुलाउने एक सहयोगी व्यक्तिबाट संजय राम, मन्जय राम, मन्तुरा देवी र भगतिन सहितका तीन परिवारलाई मंगलबार खाद्यान्न तथा अत्यावश्यक सामग्री उपलब्ध गराइएको हो । प्रत्येक परिवारलाई एक बोरा चामल, एक बोरा आटा, एक बोरा आलु, एक प्याकेट प्याजसहित दाल, मसला, नुन, खाने तेल, चना, मटर, साबुन लगायतका सामग्री सहयोग गरिएको चाैधरीले जानकारी दिए ।
आगलागीबाट पीडितहरूको फुसको झुपडी पूर्ण रूपमा जलेर नष्ट भएको छ भने घरभित्र रहेका लत्ताकपडा, भाँडाकुँडा, अन्नपातलगायतका सम्पूर्ण सामग्री जलेर नष्ट भएको स्थानीयले बताएका छन्।
यस विपद्को घडीमा समन्वयकारी भूमिका निर्वाह दलित अभियन्ता मनोज रामले खेलेका हुन् । हाल पीडित परिवारहरूलाई थप सहयोगको आवश्यकता रहेको भन्दै सहयोगका लागि सबैसँग अपिल गरिएको छ।
