वीरगंज । पर्सा जिल्लाबाट निर्वाचित प्रतिनिधिसभा सदस्यहरू विभिन्न संसदीय समितिमा मनोनित भएका छन्।
राष्ट्रिय स्वतन्त्र पार्टी पर्सा जिल्ला सभापति तथा पर्सा निर्वाचन क्षेत्र नं. १ बाट निर्वाचित प्रतिनिधिसभा सदस्य बुद्धि प्रसाद पन्त (हरि पन्त) र क्षेत्र नं. ४ बाट निर्वाचित प्रतिनिधिसभा सदस्य टेक बहादुर शाक्य उद्योग तथा वाणिज्य र श्रम तथा उपभोक्ता हित समितिको सदस्यमा मनोनित भएका छन् ।
त्यसैगरी, पर्सा क्षेत्र नं. २ बाट निर्वाचित प्रतिनिधिसभा सदस्य सुशील कुमार कानु कानून, न्याय तथा मानवअधिकार समितिको सदस्यमा चयन भएका छन् ।
यसैबीच, पर्सा क्षेत्र नं. ३ बाट निर्वाचित प्रतिनिधिसभा सदस्य रामाकान्त प्रसाद चौरसिया नेपाल सरकारको पूर्वाधार विकास समितिमा मनोनित भएका छन् ।
उक्त मनोनयनसँगै पर्साका सांसदहरूले आ-आफ्नो क्षेत्रमा नीतिगत तथा विकास सम्बन्धी कार्यहरूलाई अझ प्रभावकारी रूपमा अगाडि बढाउने अपेक्षा गरिएको छ।
