वीरगंज । वीरगंज रिपोर्ट मिडियाले पर्सा क्षेत्र नं. २ बाट निर्वाचित प्रतिनिधिसभा सदस्य सुशील कुमार कानुलाई सम्मान गरेको छ।
वीरगंजबाट सञ्चालित वीरगंज रिपोर्ट डटकमले आयोजना गरेको कार्यक्रममा सांसद कानुलाई बधाई तथा सम्मानस्वरूप मायाको चिनो प्रदान गरिएको हो । यही फागुन २१ गते सम्पन्न प्रतिनिधिसभा निर्वाचनमा पर्सा क्षेत्र नं. २ बाट प्रत्यक्षतर्फ निर्वाचित भएपछि उनलाई सम्मान गरिएको बताइएको छ।
वीरगंज रिपोर्टका सञ्चालक प्रदीप साहसहित संवाददाता अनुज गुप्ता, रोहित वर्णवाललगायतको टोलीले घडिअर्वा पोखरीस्थित रास्वपाकाे पार्टी कार्यालयमै पुगेर सांसद कानुलाई बधाई दिँदै मायाको चिनो प्रदान गरेका थिए।
सांसद कानु यसअघि वीरगंज महानगरपालिका वडा नं. १० का वडाध्यक्षसमेत रहिसकेका छन् । वडास्तरमा जनताको अपेक्षाअनुसार विकास निर्माणका कार्य गरेको कारण नै जनताले उनलाई सांसदमा निर्वाचित गरेको स्थानीयको भनाइ छ।
सम्मान कार्यक्रममा बोल्दै सांसद कानुले वडाध्यक्ष रहँदाका अनुभव स्मरण गर्दै जनताको सुख–दुःखमा साथ दिँदै आएको उल्लेख गरे । उनले अब पर्सा क्षेत्र नं. २ का जनताको हितमा जनमुखी काम गर्ने र जनताका समस्या संसदसम्म उठाएर दीर्घकालीन समाधानतर्फ पहल गर्ने प्रतिबद्धता व्यक्त गरे।
