वीरगंज । इलाका प्रहरी कार्यालय पोखरिया पर्साले विशेष सूचनाको आधारमा लागू औषध गाँजा सहित दुई जनालाई पक्राउ गरेको छ ।
- Advertisement -
प्रहरीका अनुसार साेमबार विहान करिब ७ बजे पर्साको सखुवाप्रसौनी गाउँपालिका वडा नं. ५ महुवन बजारस्थित सडकखण्डमा चेकजाँचका क्रममा दुई जनालाई नियन्त्रणमा लिइएको हो ।
पक्राउ पर्नेमा सखुवाप्रसौनी गाउँपालिका–५ निवासी ३९ वर्षीय मोहिचन यादव र पर्सागढी नगरपालिका–९ निवासी ४० वर्षीय बैजनाथ यादव रहेका छन् । उनीहरूको शरीर खानतलासी गर्दा पेट र पिठ्यु भागमा सेतो टेपले टाँसी रातो प्लास्टिकभित्र लुकाएर राखिएको अवस्थामा ५ किलो २०० ग्राम गाँजा जस्तो देखिने पदार्थ फेला परेको प्रहरीले जनाएको छ ।
बरामद लागू औषध सहित दुबै जनालाई नियन्त्रणमा लिई थप अनुसन्धान भइरहेको इलाका प्रहरी कार्यालय पोखरियाका प्रमुख प्रहरी निरीक्षक प्रदीप पौडेलले जानकारी दिए ।
