Date
आइत, मंसिर ६, २०८३
Sun, November 22, 2026

प्रहरीकाे धरपकडविरुद्ध लेखापढी व्यवसायी आन्दोलित, पर्सामा अनिश्चितकालीन हडताल

spot_img
spot_img

वीरगंज । मालपोत कार्यालयबाट बिचौलियाको आरोपमा प्रहरीले लेखापढी व्यवसायीहरूलाई पक्राउ गर्न थालेपछि पर्सामा उनीहरू आन्दोलनमा उत्रिएका छन्। जिल्लाका लेखापढी व्यवसायीहरूले सोमबारदेखि अनिश्चितकालीन हडताल सुरु गरेका हुन्।

नेपाल लेखापढी कानुन व्यवसायी एसोसिएसन पर्साको आह्वानमा मालपोत, नापी, भूमिसुधार, अदालत तथा जिल्ला प्रशासन कार्यालय परिसरमा सेवा दिँदै आएका लेखापढी व्यवसायीहरू हडतालमा सहभागी भएका छन् । एसोसिएसन पर्साका अध्यक्ष सुरेन्द्रप्रसाद यादवका अनुसार आइतबार बसेको बैठकको निर्णयअनुसार आन्दोलन सुरु गरिएको हो ।

गत शुक्रबार प्रहरीले पोखरिया मालपोत कार्यालयबाट बिचौलियाको आरोपमा तीन जना लेखापढी व्यवसायीलाई नियन्त्रणमा लिएको थियो । सो घटनापछि व्यवसायीहरू आक्रोशित बनेका हुन्।

अध्यक्ष यादवले लेखापढी व्यवसायीहरूलाई विनाकारण कार्यालय परिसरभित्र र बाहिरबाट समेत धरपकड तथा पक्राउ गरिएको आरोप लगाए । उनले नेपाल सरकारको नियमअनुसार भू–सेवा केन्द्र सञ्चालनको अनुमति लिएर वैधानिक रूपमा काम गरिरहेका व्यवसायीहरूमाथि विभिन्न बहाना बनाई कारबाही गरिनु खेदजनक भएको बताए।

उनले विभिन्न जिल्लाबाट पक्राउ गरिएका लेखापढी व्यवसायीहरूलाई तत्काल रिहा गर्न मागसमेत गरेका छन् । पर्सा जिल्लामा भू–सेवा केन्द्र सञ्चालनको इजाजतपत्र लिएका १२१ जना तथा चार सयभन्दा बढी लेखापढी व्यवसायी कार्यरत रहेका छन्।

हडतालका कारण सेवाग्राहीहरू मारमा परेका छन् भने मालपोत लगायतका कार्यालयको सेवा प्रवाह प्रभावित भएको छ।

spot_img

ताजा अपडेट

spot_img
spot_img
spot_img
कालिका टाईम्स
कालिका टाईम्सhttps://kalikatimes.com
सम्पर्क: ९८५५०३५४५७ | ९८५५०३३१३५, इमेल: kalikatimesdaily@gmail.com

LEAVE A REPLY

Please enter your comment!
Please enter your name here

थप समाचार

भारत भ्रमणबारे प्रधानमन्त्रीलाई प्रभु साहको सुझाव : भारतसंगको व्यापार घाटा र थाती विषय सुल्झाउनुहोस

विराटनगर । आम जनता पार्टीका अध्यक्ष तथा पूर्वमन्त्री प्रभु साहले प्रधानमन्त्री वालेन्द्र शाहको भारत भ्रमणका क्रममा दुई देशबीच लामो समयदेखि थाती रहेका सबै विषय...

छात्रामैत्री भलिबल प्रतियोगिताको उपाधि निचुटा माविलाई

वीरगंज । पर्साको पटेर्वा सुगौली गाउँपालिकामा आयोजित माध्यमिक विद्यालयस्तरीय छात्रामैत्री भलिबल प्रतियोगिताको उपाधि श्री नेपाल राष्ट्रिय माध्यमिक विद्यालय, निचुटाले जितेको छ। दिव्य विकास स्रोत केन्द्र,...

प्रगतिशील युवा क्लबको कार्यक्रममा ५१ जनाद्वारा रक्तदान

वीरगञ्ज । प्रगतिशील युवा क्लब वीरगञ्ज–१५, प्रतिमाचोकको आयोजनामा शनिबार सम्पन्न रक्तदान कार्यक्रममा ५१ जनाले रक्तदान गरेका छन्। क्लबको २६औँ वार्षिकोत्सवको अवसरमा आयोजित कार्यक्रममा युवाहरूले...