वीरगंज । पर्साको छिपहरमाई गाउँपालिकामा नयाँ प्रमुख प्रशासकीय अधिकृत आउने भएका छन् । संघीय मामिला तथा सामान्य प्रशासन मन्त्रालयले देशभरका ७८ वटा गाउँपालिकामा प्रमुख प्रशासकीय अधिकृतहरूको सरुवा गर्ने क्रममा छिपहरमाई गाउँपालिकामा पनि नयाँ अधिकृत खटाएको हो।
मन्त्रालयको बिहीबारको निर्णयअनुसार हरिपुर्वा नगरपालिकामा कार्यरत संजीव साहलाई छिपहरमाई गाउँपालिकाको प्रमुख प्रशासकीय अधिकृतका रूपमा सरुवा गरिएको छ । यसअघि सो पदमा कादिर बाबु देवान कार्यरत थिए ।
मन्त्रालयका अनुसार नेपाल प्रशासन सेवा, सामान्य प्रशासन समूह अन्तर्गतका राजपत्रांकित तृतीय श्रेणी (शाखा अधिकृत वा सो सरह) कर्मचारीहरूलाई रिक्त रहेका स्थानीय तहहरूमा खटाइएको हो । जिम्मेवारीमा खटाइएका अधिकांश कर्मचारी यसअघि विभिन्न मन्त्रालयमा कार्यरत थिए।
नयाँ सरकार गठनसँगै रिक्त रहेका स्थानीय तहहरूमा प्रमुख प्रशासकीय अधिकृत पठाउने क्रम तीव्र बनाइएको छ । प्रतिभा रावल ले यसअघि विभिन्न जिल्लाका समन्वय समिति तथा नगरपालिकाहरूमा ६३ जना प्रमुख प्रशासकीय अधिकृत खटाइसकेको मन्त्रालयले जनाएको छ।
