काठमाडौँ । सरकारले यही चैत १९ गते बिहीबार दिउँसो २ः०० बजे सङ्घीय संसद्को अधिवेशन बोलाउन राष्ट्रपतिसमक्ष सिफारिस गर्ने निर्णय गरेको छ।
सरकारका प्रवक्ता एवं शिक्षा, विज्ञान तथा प्रविधिमन्त्री सस्मित पोखरेल ले आज बसेको मन्त्रिपरिषद् बैठकले संसद् बैठक आह्वानका लागि राष्ट्रपतिसमक्ष सिफारिस गर्ने निर्णय गरिएको जानकारी दिनुभयो।
त्यसैगरी बैठकले संविधान संशोधनसम्बन्धी बहसपत्र तयार गर्न कार्यदल गठन गर्ने निर्णय पनि गरेको छ। उक्त कार्यदल प्रधानमन्त्री वालेन्द्र शाह का राजनीतिक सल्लाहकारको अध्यक्षतामा गठन गरिनेछ।
मन्त्री पोखरेलका अनुसार उक्त कार्यदलमा संसद्मा प्रतिनिधित्व गर्ने विभिन्न राजनीतिक दलका प्रतिनिधिहरूलाई समेटिनेछ र राष्ट्रिय सहमतिका आधारमा संविधान संशोधनसम्बन्धी बहसपत्र तयार गरिनेछ।
“संविधान संशोधन बहसपत्र तयार गर्न प्रधानमन्त्रीका राजनीतिक सल्लाहकारको अध्यक्षतामा संसद्मा प्रतिनिधित्व गर्ने राजनीतिक दलको सहभागितासहित कार्यदल गठन गर्ने निर्णय भएको छ। राष्ट्रिय सहमतिमा संशोधन बहसपत्र तयार हुन्छ,” मन्त्री पोखरेलले भन्नुभयो।
