काठमाडौँ । नेपाली कांग्रेसका नेता एवं पूर्वमन्त्री दीपक खड्का पक्राउ परेका छन्। नेपाल प्रहरीको केन्द्रीय अनुसन्धान ब्यूरो (सिआइबी)ले उनलाई आइतबार बिहान नियन्त्रणमा लिएको हो।
सिआइबीका प्रवक्ता प्रहरी वरिष्ठ उपरीक्षक (एसएसपी) शिवकुमार श्रेष्ठले सम्पत्ति शुद्धीकरण सम्बन्धी मुद्दाको अनुसन्धानका लागि पूर्वमन्त्री खड्कालाई पक्राउ गरिएको जानकारी दिएका छन्।
प्रहरीका अनुसार खड्कामाथि अवैध सम्पत्ति आर्जन तथा शुद्धीकरणसम्बन्धी आरोपमा अनुसन्धान भइरहेको छ। यस विषयमा थप अनुसन्धान जारी रहेको सिआइबीले जनाएको छ।
यता गृहमन्त्री सुदन गुरुङले आफ्नाे फेसबुकमा लख्दै “पूर्व ऊर्जामन्त्री दीपक खड्कालाई गत २४ भदौको आन्दोलनका क्रममा निजको निवासबाट बरामद भएको रकमको अनुसन्धानका सिलसिलामा आइतबार नियन्त्रणमा लिइएको जानकारी गराएका छन् ।
