काठमाडौं । जेनजी आन्दोलनका क्रममा भएका घटनाबारे तयार पारिएको जाँचबुझ आयोगको प्रतिवेदन कार्यान्वयन गर्ने निर्णय सरकारले गरेको छ ।
शुक्रबार बसेको मन्त्रिपरिषद्को पहिलो बैठकले उक्त प्रतिवेदन कार्यान्वयन गर्ने निर्णय गरेको सरकारका प्रवक्ता सस्मित पोखरेलले जानकारी दिए ।
‘भदौ २३ र २४ गतेको प्रदर्शनका क्रममा भएका घटनाको जाँचबुझ गर्न गौरीबहादुर कार्कीको अध्यक्षतामा गठित आयोगले नेपाल सरकारसमक्ष पेश गरेको प्रतिवेदन कार्यान्वयन गरिनेछ,’ निर्णय सार्वजनिक गर्दै पोखरेलले बताए ।
सरकारका प्रतिवेदन कार्यान्वयनलाई दुई बुंदे निर्णय गरेकाे छ । पहिलो नम्बरमा आयोगले सिफारिस गरेका व्यक्ति र निकायमध्ये सुरक्षा संयन्त्रसँग सम्बन्धित विषयमा अध्ययन समिति गठन गरिनेछ र उक्त समितिको सिफारिसका आधारमा आवश्यक कदम चालिनेछ ।
दोस्रो अन्य सिफारिसहरू भने तत्काल कार्यान्वयन गर्न सम्बन्धित निकायलाई निर्देशन दिन सरकारको निर्णय रहेको छ ।
