काठमाडौँ । फागुन २१ गते सम्पन्न प्रतिनिधि सभा सदस्य निर्वाचनबाट निर्वाचित सांसदहरूले पद तथा गोपनीयताको शपथ ग्रहण गरेका छन्।
- Advertisement -
सिंहदरबारस्थित निर्माणाधीन संसद् भवनको बहुउद्देश्यीय हलमा बिहीबार दिउँसो आयोजित कार्यक्रममा सभाका ज्येष्ठ सदस्य अर्जुननरसिंह केसीले सांसदहरूलाई शपथ गराएका हुन्।
यसअघि बुधबार राष्ट्रपति रामचन्द्र पौडेलबाट शपथ लिएका केसीले कुल २७४ जना सांसदलाई पद तथा गोपनीयताको शपथ गराएका थिए।
शपथ ग्रहण कार्यक्रममा भाषिक विविधता समेत झल्किएको छ। कुल सांसदमध्ये ४७ जनाले आफ्नो मातृभाषामा शपथ लिएको जानकारी दिइएको छ ।
