Date
बिहि, मंसिर ३, २०८३
Thu, November 19, 2026

नारायणी अस्पतालमा दलाल र बेथितीविरुद्ध सांसद कानुको सिडिओसँग छलफल

spot_img
spot_img

वीरगंज। पर्सा क्षेत्र नम्बर २ का सांसद सुशील कुमार कानुले वीरगंजको नारायणी अस्पतालमा फैलिएको बेथिती र दलालबाजीको विषयमा प्रमुख जिल्ला अधिकारी भोला दाहालसँग मंगलबार छलफल गरेका छन्।

छलफलमा सांसद कानुले अस्पतालमा बिचौलिया र दलालको सक्रियता बढेको र बिरामीहरू प्रत्यक्ष प्रभावमा परेको बताउँदै तत्काल कडा कदम चाल्न प्रजिअको ध्यानाकर्षण गराए। उनले केही निजी अस्पतालले एम्बुलेन्स चालक मार्फत बिरामीलाई प्रभावित पार्ने र कमिसनका लोभमा सरकारी अस्पतालबाट निजी अस्पतालमा रेफर गराउने प्रवृत्तिप्रति चिन्ता व्यक्त गरे।

सांसद कानुले भने, “सरकारी अस्पतालमा चिकित्सक समयमा नआउने, पूरा ड्युटी नबस्ने जस्ता गतिविधिले सेवाग्राही प्रत्यक्ष मारमा परिरहेका छन्। नियमित अनुगमन र कडाइ आवश्यक छ।”

त्यसैगरी उनले छठ पर्वको समयमा छठघाट वरपर माछा–मासु बिक्री रोक्न माग गर्दै धार्मिक आस्था र सामाजिक सद्भावको सम्मान गर्न आवश्यक कदम चाल्न आग्रह गरे।

गर्मी मौसमसँगै बढ्ने आगलागी र अन्य विपद् व्यवस्थापनका तयारीबारे पनि सांसदले दमकल, पानीको स्रोत, उद्धार टोली र आवश्यक उपकरण पर्याप्त व्यवस्था गर्न प्रजिअ दाहालसँग जोड दिए।

प्रमुख जिल्ला अधिकारी दाहालले सांसद कानुको ध्यानाकर्षण गराएका विषयहरूमा सकारात्मक रहेको उल्लेख गर्दै आवश्यक अनुगमन, समन्वय र कारबाही अगाडि बढाइने प्रतिबद्धता जनाए।

छलफल कार्यक्रममा राष्ट्रिय स्वतन्त्र पार्टी (रास्वपा) का युवा नेता सुधिर पटेल, मुर्ली जलान, क्षेत्रीय सभापति फैयाज मिया, प्रकाश साहलगायतको पनि उपस्थिति रहेको थियो।

spot_img

ताजा अपडेट

spot_img
spot_img
spot_img
कालिका टाईम्स
कालिका टाईम्सhttps://kalikatimes.com
सम्पर्क: ९८५५०३५४५७ | ९८५५०३३१३५, इमेल: kalikatimesdaily@gmail.com

LEAVE A REPLY

Please enter your comment!
Please enter your name here

थप समाचार

जालिम मियाँका माइला छोरा बसीर अहमद रास्वपामा प्रवेश

वीरगंज । नेकपा एमालेका नेता एवं पर्साको जगरनाथपुर गाउँपालिकाका पूर्व अध्यक्ष जालिम मियाँका माइला छोरा बसीर अहमद राष्ट्रिय स्वतन्त्र पार्टी (रास्वपा) मा प्रवेश गरेका...

पर्सामा एक महिनामा ११८ अपराधका घटना, १२२ फरार प्रतिवादी पक्राउ

वीरगञ्ज । जिल्ला प्रहरी कार्यालय पर्साले २०८३ साल कात्तिक महिनामा जिल्लाभर अपराध नियन्त्रण, अनुसन्धान, लागूऔषध कारोबार नियन्त्रण तथा अवैध गतिविधिविरुद्ध सञ्चालन गरेका कारबाहीको विवरण...

गौरको नेपाल–भारत सीमा क्षेत्रबाट ९ एमएमका २७ थान गोली बरामद

रौतहट । रौतहटको गौर नगरपालिका–१ कानुपट्टीस्थित नेपाल–भारत सीमा क्षेत्रबाट सुरक्षाकर्मीले ९ एमएमका २७ थान गोली बरामद गरेका छन्। मंगलबार सीमा क्षेत्रमा गस्ती गर्ने क्रममा सशस्त्र...