मधेशी पहिलाे पटक प्रधानमन्त्री बन्ने पक्का भएकाे भन्दै रुपेश पाण्डेयद्वारा बालेनलाई बधाई

वीरगंज । नेकपा एमालेका नेता रुपेश कुमार पाण्डेयले बालेन साह नेपालका प्रधानमन्त्री हुने अब पक्का भएको भन्दै खुशी व्यक्त गरेका छन्।

- Advertisement -

फागुन २१ गते सम्पन्न प्रतिनिधि सभा सदस्य निर्वाचनमा एमालेबाट पर्सा क्षेत्र नं. ३ का उम्मेदवारसमेत रहेका नेता पाण्डेयले पहिलोपटक मधेशी समुदायबाट प्रधानमन्त्री बन्ने अवस्था सिर्जना भएको उल्लेख गरे । उनले यसलाई ऐतिहासिक राजनीतिक रूपान्तरणको रूपमा व्याख्या गरेका छन् ।

“पहिलोपटक एउटा मधेशी व्यक्ति देशको प्रधानमन्त्री हुँदैछ । यो असली र ऐतिहासिक राजनीतिक रूपान्तरण हो, पुस्तान्तरण मात्र होइन,” उनले भने।

उनले देशी तथा विदेशी सबै पक्षलाई यो यथार्थलाई स्वीकार गर्न आग्रह गर्दै आफू निर्वाचनमा पराजित भए पनि अत्यन्तै खुशी भएको बताए । पाण्डेयले बालेन साहलाई बधाई दिँदै आगामी नेतृत्वप्रति आशा समेत व्यक्त गरेका छन् ।