वीरगंज । नेकपा एमालेका नेता रुपेश कुमार पाण्डेयले नेकपा एमालेका अध्यक्ष तथा पूर्वप्रधानमन्त्री केपी शर्मा ओलीलाई भेटेर उनका पिता माेहन प्रसाद ओलीको निधनप्रति समवेदना प्रकट गरेका छन्।
सोमबार दिउँसो भक्तपुरको गुण्डुस्थित ओली निवास पुगेर नेता पाण्डेयले अध्यक्ष ओलीलाई भेट्दै शोक व्यक्त गरेका हुन् । समवेदना व्यक्त गर्दै पाण्डेयले अध्यक्ष ओलीका पिता मोहनप्रसाद ओलीको निधनप्रति आफू निकै दुःखी भएको बताए ।
उनले भने, “अध्यक्ष ओलीका पिता मोहनप्रसाद ओलीको निधनको खबरले हामी अत्यन्त दुःखी भएका छौं । आज चौथो दिन उहाँलाई भेटेर समवेदना प्रकट गरेका छौं।”
स्वर्गीय मोहनप्रसाद ओलीप्रति भावपूर्ण श्रद्धाञ्जली अर्पण गर्दै पाण्डेयले यस दुःखद् घडीमा शोकमा रहनुभएका अध्यक्ष ओली तथा सम्पूर्ण शोकाकुल परिवारजनप्रति हार्दिक समवेदना प्रकट गरेका छन् ।
अध्यक्ष ओलीका ९७ वर्षीय पिता मोहनप्रसाद ओलीको गत शुक्रबार निधन भएको थियो । नेता पाण्डेय फागुन २१ गते सम्पन्न प्रतिनिधिसभा निर्वाचनमा एमालेबाट पर्सा क्षेत्र नं. ३ का उम्मेदवार रहेका थिए।
