वीरगंज । वीरगंज महानगरपालिका–४ भगवती टोल निवासी स्वर्गीय प्रताप कुमार उपाध्यायकी धर्मपत्नी सुशीला देवी उपाध्यायले आफ्नो स्वर्गवासी पतिको स्मृतिमा श्री बिर्ता माई संरक्षण समितिलाई एक लाख ५ हजार ५०५ रुपैया सहयोग प्रदान गर्नुभएको छ।
मंगलबार समितिका अध्यक्ष जगत साह कानुको अध्यक्षतामा बसेको बैठकमा उक्त सहयोग रकम हस्तान्तरण गरिएको हो।
कार्यक्रममा समितिका सल्लाहकार तथा समाजसेवी प्रकाश उपाध्याय, हरि पोखरेल, मुना खनाल, प्रभु गुप्ता, राजु गुप्ता र सोनु तिवारी लगायतकाको उपस्थिति रहेको थियो।
सो अवसरमा समितिका अध्यक्ष जगत साह कानुले दाता सुशीला देवी उपाध्यायलाई खादा तथा माला लगाएर सम्मान गर्दै सहयोगका लागि धन्यवाद ज्ञापन गरे । उनले धार्मिक तथा सामाजिक कार्यका लागि गरिएको यस सहयोगले बिर्ता माई मन्दिरको संरक्षण तथा विकासमा महत्वपूर्ण योगदान पुग्ने विश्वास व्यक्त गरे ।
