वीरगंज । सर्लाही निर्वाचन क्षेत्र नम्बर ४ मा प्रतिनिधिसभा सदस्यका लागि भइरहेको मतगणनामा राष्ट्रिय स्वतन्त्र पार्टी (रास्वपा)का उम्मेदवार अमरेशकुमार सिंहले अग्रता कायमै राखेका छन्।
शुक्रबार साँझ ८ बजेसम्म सार्वजनिक भएको मतपरिणामअनुसार सिंहले ४ हजार ४९६ मत प्राप्त गरेका छन्। उनका निकटतम प्रतिद्वन्द्वी नेपाली काँग्रेसका उम्मेदवार गगनकुमार थापाले २ हजार ५३० मत ल्याएका छन्।
यससँगै सिंहले काँग्रेसका सभापति थापाभन्दा १ हजार ९६६ मतले अग्रता बनाएका छन्। त्यस्तै, नेकपा (एमाले)का उम्मेदवार अवनिशकुमार यादवले ६४३ मत प्राप्त गर्दै तेस्रो स्थानमा रहेका छन्।
सर्लाहीका अन्य निर्वाचन क्षेत्रमा भइरहेको मतगणनाको प्रारम्भिक परिणामले पनि राष्ट्रिय स्वतन्त्र पार्टीका उम्मेदवारहरू नै अगाडि देखिएका छन्।
