वीरगंज। नेपाल कम्युनिष्ट पार्टी (एमाले) का तर्फबाट पर्सा निर्वाचन क्षेत्र नम्बर ३ का प्रतिनिधिसभा सदस्य उम्मेदवार रुपेश पाण्डेयले घरदैलाे अभियानलाई निरन्तरता दिएका छन् । उनले शुक्रबार पोखरिया नगरपालिका–९ अन्तर्गत रानीगञ्ज र रहरिया टोलमा घरदैलो कार्यक्रम सञ्चालन गरेका हुन्।
घरदैलो अभियानका क्रममा उम्मेदवार पाण्डेयले स्थानीय मतदातासँग प्रत्यक्ष भेटघाट गर्दै उनीहरूको समस्या र आवश्यकताबारे जानकारी लिएका थिए। सो अवसरमा स्थानीय बासिन्दाले खानेपानी, सडक, शिक्षा, स्वास्थ्य तथा रोजगारीलगायतका विषय उठान गरेका थिए।
पाण्डेयले क्षेत्रको समग्र विकासलाई प्राथमिकतामा राख्दै पूर्वाधार निर्माण, कृषि प्रवर्द्धन तथा युवाका लागि रोजगारी सिर्जना गर्ने प्रतिबद्धता व्यक्त गरे। उनले जनताबाट प्राप्त सुझाव र गुनासोलाई आगामी योजना निर्माणमा समेट्दै कार्यान्वयन गर्ने बताए।
घरदैलो कार्यक्रममा स्थानीय नेता–कार्यकर्ता तथा समर्थकहरूको सहभागिता रहेको थियो। अभियानलाई निरन्तरता दिँदै क्षेत्रका अन्य वडाहरूमा समेत भेटघाट कार्यक्रम सञ्चालन गरिने जनाइएको छ।
