वीरगंज । पर्साको जगरनाथपुर गाउँपालिकाले कृषकहरुलाई ५० प्रतिशत अनुदानमा चैती धानको बिउ वितरण गरेको छ । गाउँपालिका अन्तर्गतका ६ वटै वडाका ३ सय जना कृषकलाई हालसम्म १२ टन बिउ वितरण गरिसकिएको गाउँपालिकाको कृषि शाखा प्रमुख दाया चौहानले जानकारी दिए ।
- Advertisement -
कृषि उत्पादन वृद्धि, समयमै रोपाइँ र कृषकलाई प्रोत्साहन गर्ने उद्देश्यले कार्यक्रम सञ्चालन गरिएको कृषि शाखाले जनाएको छ । अनुदानमा उपलब्ध गराइएको उन्नत जातको बिउले चैती धानखेती विस्तारमा टेवा पुग्ने विश्वास गरिएको छ ।
गाउँपालिकाले आगामी दिनमा पनि उत्पादनमुखी तथा कृषकमैत्री कार्यक्रमलाई निरन्तरता दिने जनाएको छ । कृषकहरुले अनुदान कार्यक्रमले लागत घटाउन र उत्पादन बढाउन सहयोग पुग्ने अपेक्षा व्यक्त गरेका छन् ।
