वीरगंज । राष्ट्रिय स्वतन्त्र पार्टी (रास्वपा) का पर्सा क्षेत्र नं. १ का प्रतिनिधिसभा सदस्य उम्मेदवार हरि पन्तलाई आज गहवा र रामटोलका बासिन्दाले सयौँको संख्यामा उपस्थित भई साथ र समर्थन जनाएका छन्।
पन्तले सञ्चालन गरेको घरदैलो तथा मतदाता भेटघाट कार्यक्रममा उल्लेखनीय सहभागिता देखिएको थियो। बिहान भएको कार्यक्रमका क्रममा कयौँ स्थानीयले घर–घरबाट घण्टी बजाउँदै स्वागत गरेका थिए। त्यसक्रममा उम्मेदवार पन्तलाई टीका, माला र पुष्पगुच्छा प्रदान गरी शुभकामना व्यक्त गरिएको थियो।
स्थानीय बासिन्दाले यसपटक परिवर्तनका पक्षमा मतदान गर्ने अठोट व्यक्त गरेका थिए। कार्यक्रममा सहभागीहरूले सुशासन, विकास र जनउत्तरदायित्वका मुद्दामा जोड दिँदै पन्तप्रति विश्वास व्यक्त गरेका थिए।
घरदैलो कार्यक्रम स्थानीय युवाहरू निरज गुप्ता, सुमित कादमिया, अबिनाश गुप्ता, विकास गुप्ता, छोट्टु साह, राजु साह, प्रदीप गुप्ता, दीपक कुशवाह, आकाश गुप्ता, साहिल, अजय साह, करण साह, सन्तोष खेतान, रोशन खेतान लगायतको नेतृत्वमा सम्पन्न भएको थियो।
