वीरगंज । पर्सा निर्वाचन क्षेत्र नं. २ मा राष्ट्रिय स्वतन्त्र पार्टी, नेपाली कांग्रेस र जनता समाजवादी पार्टी परित्याग गरी एक दर्जनभन्दा बढी नेता तथा कार्यकर्ता नेकपा (एमाले) मा प्रवेश गरेका छन्। शनिबार वडा कमिटी वीरगंज–१७ अलौले आयोजना गरेको चुनावी रणनीतिक छलफल कार्यक्रममा रास्वपाका युवा नेता धिरज उपाध्याय को नेतृत्वमा युवाहरू एमालेमा आबद्ध भएका हुन्।
नवप्रवेशीहरूलाई पार्टीका केन्द्रिय सदस्य एवं पर्सा क्षेत्र नं. २ का इन्चार्ज बिजय कुमार सरावगी तथा वडा अध्यक्ष सन्जु छतकुली ले अबिर र खादा लगाई स्वागत गरे।
कार्यक्रमका प्रमुख अतिथि सरावगीले देश निर्माणमा एमालेको योगदान महत्वपूर्ण रहेको उल्लेख गर्दै पार्टीलाई पुनः विजयी गराउन समर्थन मागे। उनले पर्सा क्षेत्र नं. २ की उम्मेदवार रिमा कुमारी यादवलाई जिताउन सबै नेता–कार्यकर्तालाई सक्रिय हुन आग्रह गरे।
नवप्रवेशीहरूले पनि उम्मेदवार यादवको जित सुनिश्चित गर्न दिनरात खट्ने प्रतिबद्धता व्यक्त गरेका छन्। कार्यक्रममा उषमान अंसारी, अजय साहलगायत नेता–कार्यकर्ताको उपस्थिति रहेको थियो।
