Date
बुध, मंसिर २, २०८३
Wed, November 18, 2026

शैक्षिक गुणस्तर र अनुशासनमा जोड, विद्यालय व्यवस्थापन समितिको छड्के अनुगमन

spot_img
spot_img

वीरगञ्ज । पकहाँमैनपुर गाउँपालिकास्थित श्री राम चरित्र भगत माध्यमिक विद्यालयमा विद्यालय व्यवस्थापन समितिले छड्के अनुगमन गर्दै शैक्षिक गुणस्तर र विद्यार्थी अनुशासनमा विशेष जोड दिएको छ ।

विद्यालय व्यवस्थापन समिति अध्यक्ष राजेश सहनीले विद्यालयका विभिन्न कक्षाकोठामा पुगेर शिक्षकको उपस्थिति, शैक्षिक गतिविधि, विद्यार्थीको अनुशासन तथा कक्षाको वातावरणको प्रत्यक्ष निरीक्षण गर्नुभएको हो । अनुगमनका क्रममा उहाँले विद्यालयको शैक्षिक वातावरणलाई थप गुणस्तरीय, मर्यादित र प्रभावकारी बनाउन प्रधानाध्यापक मनोजकुमार यादवलाई आवश्यक निर्देशन दिनुभएको थियो ।

अध्यक्ष सहनीले विद्यार्थीको सिकाइ उपलब्धि सुधार गर्न विद्यालयमा अनुशासनलाई कडाइका साथ कार्यान्वयन गर्न तथा विद्यार्थीलाई नियमित रूपमा गृहकार्य दिने व्यवस्था मिलाउन निर्देशन दिनुभएको बताइएको छ । शिक्षक, विद्यार्थी र विद्यालय प्रशासनबीच प्रभावकारी समन्वय भएमा मात्र शैक्षिक गुणस्तरमा अपेक्षित सुधार ल्याउन सकिने उहाँको भनाइ थियो ।

व्यवस्थापन समितिको निर्देशनपछि प्रधानाध्यापक यादवले विद्यालयका सम्पूर्ण विद्यार्थीलाई विद्यालयका नियम तथा अनुशासन पूर्ण रूपमा पालना गर्न निर्देशन दिनुभएको छ । विद्यालयको नियम उल्लङ्घन गर्ने विद्यार्थीलाई नियमानुसार कारबाही गरिने चेतावनीसमेत दिइएको छ ।

विद्यालय व्यवस्थापन समितिको नियमित अनुगमनबाट शिक्षकको कक्षामा उपस्थिति, विद्यार्थीको अनुशासन, गृहकार्यको नियमितता तथा समग्र शैक्षिक वातावरणमा सुधार आउने विद्यालय पक्षले अपेक्षा गरेको छ।

spot_img

ताजा अपडेट

spot_img
spot_img
spot_img

LEAVE A REPLY

Please enter your comment!
Please enter your name here

थप समाचार

वडा सदस्यको हस्ताक्षर किर्ते गरेको आरोपमा गाउँपालिका अध्यक्ष पक्राउ

वीरगंज । वडा सदस्यको हस्ताक्षर किर्ते गरी गाउँसभाबाट नीति तथा कार्यक्रम पारित गरेको आरोपमा सर्लाहीको बसबरिया गाउँपालिकाका अध्यक्ष रामसिहासन राय पक्राउ परेका छन् । ५५...

अमात्यको स्वास्थ्य अवस्थाबारे बुझ्दै देउवाले गरे राजनीतिक छलफल

वीरगंज । नेपाली कांग्रेसका सभापति एवं पूर्वप्रधानमन्त्री शेरबहादुर देउवाले संविधानसभा सदस्य तथा नेपाली कांग्रेस पर्साका पूर्वसभापति राजेन्द्रबहादुर अमात्यको निवासमा पुगेर उहाँको स्वास्थ्य अवस्थाबारे जानकारी...

आन्दोलनको तयारीमा जुट्न एमाले नेता–कार्यकर्तालाई ओलीको निर्देशन

काठमाडौं । नेकपा (एमाले)का अध्यक्ष केपी शर्मा ओलीले जुनसुकै बेला आन्दोलन गर्नुपर्ने अवस्था आउन सक्ने भन्दै नेता तथा कार्यकर्तालाई तयारी अवस्थामा रहन निर्देशन दिएका...