वीरगंज । राष्ट्रिय समाचार समिति (रासस) को ६५औँ वार्षिकोत्सवका अवसरमा उत्कृष्ट आलेख समाचारका लागि रासस वीरगंज कार्यालय प्रमुख हिमाल लम्साल पुरस्कृत भएका छन् । उनलाई उपराष्ट्रपति रामसहाय प्रसाद यादवबाट सम्मान प्रदान गरिएको हो।
- Advertisement -
सम्मान ग्रहणपछि लम्सालले राससमा सेवा प्रवेश गरेको छोटो दुई वर्षकै अवधिमा प्राप्त यस उपलब्धिले आफ्नो जिम्मेवारी अझ बढाएको अनुभूति गराएको बताए । उनले उक्त सम्मानले आगामी दिनमा अझ सक्रिय, जिम्मेवार र तथ्यपरक पत्रकारितामा समर्पित भएर कार्यसम्पादन गर्न थप प्रेरणा दिएको उल्लेख गरे।
राससको वार्षिकोत्सवका अवसरमा विभिन्न विधामा उत्कृष्ट योगदान पुर्याउने पत्रकार तथा कर्मचारीहरूलाई सम्मान गरिएको थियो ।
