वीरगंज । पर्सा जिल्ला, सखुवा प्रसौनी गाउँपालिका वडा नम्बर ३ अन्तर्गत कटैया र गुलवरिया क्षेत्रमा प्रतिनिधिसभा निर्वाचन क्षेत्र नम्बर ३ का रूपेश पाण्डेय ले घरदैलो कार्यक्रम सम्पन्न गरेका छन्।
घरदैलोका क्रममा पाण्डेयले आफू अरू जस्ता नभई जनताको सेवा र हितका लागि प्रतिवद्ध रहेको बताए। उनले विकासका सम्पूर्ण कार्यहरू विजयी भएपछि पूरा गर्ने अठोट लिएका छन् र जनतालाई झुटो आश्वासन नदिने प्रतिबद्धता व्यक्त गरे।
उम्मेदवार पाण्डेयले मतदातालाई अन्य उम्मेदवारका झुटो आश्वासनमा नपर्न आग्रह गर्दै, विजयी भएपछी स्वच्छ र स्पष्ट भिजनसहित जनताको सेवा गर्ने अवसर दिने विश्वास व्यक्त गरे। साथै, क्षेत्र नम्बर ३ का जनताले आफूलाई मतदान गरी विजयी बनाउने पूर्ण विश्वास रहेको पनि उनले बताए।
घरदैलो कार्यक्रममा पूर्वमन्त्री तथा एमाले नेता प्रमोद जैसवाल, मन्जुर आलम, फरमान मियाँ, सुजित गिरी, सन्तोष साह लगायत पार्टीका अन्य नेता तथा कार्यकर्ताहरूको उल्लेख्य सहभागिता रहेको थियो।
