वीरगंज । पर्सा निर्वाचन क्षेत्र नं. १ अन्तर्गत वीरगंज महानगरपालिकाको इनरुवामा राष्ट्रिय स्वतन्त्र पार्टी (रास्वपा) काे कार्यालय सञ्चालनमा आएको छ । कार्यालयकाे उद्घाटन रास्वपा पर्सा सभापति तथा पर्सा–१ का उम्मेदवार हरि पन्तले गरेका छन्।
उद्घाटनका क्रममा पन्तले इनरुवाबासीप्रति आफ्नो माया रहेको बताउँदै, स्थानीय मतदातालाई आफ्नो ठाउँबाट रास्वपालाई जिताउन आग्रह गरे। उनले यहाँको जनताको मायाको सधैं सम्मान र कदर गर्ने प्रतिबद्धता पनि व्यक्त गरे।
कार्यक्रममा रास्वपा वीरगंज महानगर सभापति अमन आलम, जिल्ला सचिव सुदिश प्रजापति, दिलिप कुर्मी, मुकेध पटेल लगायतका नेताहरूको उपस्थिति रहेको थियो। उद्घाटन कार्यक्रम बिजय साहको सभापतित्वमा सम्पन्न भएको थियो भने सहजीकरण सन्तोष पटेलले गरेका थिए।
