वीरगंज । पर्सा क्षेत्र नं. १ का राष्ट्रिय स्वतन्त्र पार्टी (रास्वपा) का उम्मेदवार हरि पन्तको समर्थनमा टेढावासीको ठूलो समूह खुलेर उत्रिएको छ।
मंगलबार टेढामा आयोजित पार्टी प्रवेश कार्यक्रममा विभिन्न राजनीतिक दल परित्याग गर्दै पाँच सयभन्दा बढी स्थानीय नागरिक रास्वपामा प्रवेश गरेकाे उम्मेदवार पन्तले जानकारी दिए । कार्यक्रममा सहभागी नवप्रवेशीहरूले देशले अब परिवर्तन खोजिरहेको भन्दै रास्वपा नेपाली जनताको आशा, भरोसा र परिवर्तनको प्रमुख संवाहक भएको धारणा व्यक्त गरेका थिए।
पार्टी प्रवेश कार्यक्रमलाई सम्बोधन गर्दै रास्वपा पर्सा सभापति समेत रहेका उम्मेदवार पन्तले मुलुकभर रास्वपामय वातावरण बनिरहेको दाबी गरे । उनले आगामी सरकार रास्वपाले बहुमतका साथ गठन गर्नेमा आफूहरू ढुक्क रहेको बताए । साथै, विगतमा सरकारमा रहेका दलहरू नै समृद्धि र विकासका बाधक बनेको आरोप लगाउँदै जनताले अब नयाँ विकल्प रोज्ने विश्वास व्यक्त गरे ।
विशाल कुशवाहको सभापतित्वमा सम्पन्न कार्यक्रमको सहजीकरण कृष्ण पासवानले गरेका थिए । कार्यक्रममा टेढाका स्थानीय अगुवा साकिर हुसेन, अबुलेश हुसेन लगायतको उपस्थिति रहेको थियो । साथै, सगिर आलम, पूर्ण सापकोटा, मनीष यादव, कमला भुजेल, चन्दन यादव लगायतले मन्तव्य राखेका थिए ।
