वीरगंज । महाशिवरात्रिको अवसरमा लाग्ने जिराभवानी मेलामा आएका कावाँरिया भक्तजनहरुलाई पर्सा क्षेत्र नं. ४ का उम्मेदवार रमेश रिजाले मंगलबार एक कार्यक्रमका बिच स्वागत तथा सम्मान गरेका छन् ।
- Advertisement -
थरुहटका विभिन्न गाउँबाट आएका करिब ३०० जना श्रद्धालु कावाँरिया भक्तजनहरुलाई नेपाली काँग्रेसका प्रतिनिधिसभा सदस्य पदका उम्मेदवार रमेश रिजालले गम्छा ओढाई स्वागत तथा सम्मान गरेका हुन्।
मेलामा उपस्थित भक्तजनहरूसँग प्रत्यक्ष भेटघाट गर्दै उम्मेदवार रिजालले धार्मिक आस्था, संस्कृति र परम्पराको संरक्षण गर्नु सबैको साझा दायित्व भएको बताए। साथै उनले जनताको सेवा र विकासका लागि आफू प्रतिबद्ध रहेको उल्लेख गरे।
श्रद्धालु भक्तजनहरूले पनि यस्तो सम्मानले थप उत्साह मिलेको प्रतिक्रिया दिएका छन् । महाशिवरात्रि पर्वको अवसरमा जिराभवानी मेलामा भक्तजनहरूको उल्लेख्य भीड देखिएको छ।
