वीरगंज । पर्सा प्रहरीले वीरगंज महानगरपालिका वडा नं. १० आदर्शनगर क्षेत्रमा निर्वाचन विरोधी पोस्टर टाँसिरहेको अवस्थामा एक युवकलाई पक्राउ गरेकाे छ ।
जिल्ला प्रहरी कार्यालय पर्सा मातहतका वडा प्रहरी कार्यालय बिर्ताबाट खटिएको प्रहरी टोलीले शुक्रबार पोस्टर टाँस्दै गरेको अवस्थामा वीरगंज महानगरपालिका वडा नं. १६ भंसार क्षेत्रमा बस्ने अन्दाजी २० वर्षीय बिधान पुलामी मगरलाई नियन्त्रणमा लिएको हो ।
घटनाबारे जानकारी दिँदै जिल्ला प्रहरी कार्यालय पर्साका प्रवक्ता हरि बहादुर बस्नेतले पक्राउ परेका व्यक्तिमाथि आवश्यक अनुसन्धान भइरहेको बताए । प्रहरीले निर्वाचन आचारसंहिता विपरीतका गतिविधीमा संलग्न नहुन सबैलाई आग्रह गरेको छ ।
