वीरगंज । पर्सा जिल्लाको जेन–जेड (Gen Z) अभियानको नेतृत्वमा जगरनाथपुर गाउँपालिकामा नयाँ कमिटी गठन गर्ने उद्देश्यसहित बैठक सम्पन्न भएको छ। बैठकले जगरनाथपुर क्षेत्रमा जेन–जेड कमिटी विस्तार गर्ने निर्णय गर्दै संगठनलाई थप सक्रिय बनाउने निष्कर्ष निकालेको जनाएको छ।
बैठकको निर्णयअनुसार जगरनाथपुर गाउँपालिकामा अमर किशोर ठाकुर लोहारको अध्यक्षतामा २१ सदस्यीय जेन–जेड कमिटी गठन गरिएको छ। भेलाले उनको नेतृत्वमा युवाहरूलाई सदस्यका रूपमा समेट्दै संगठनलाई बलियो बनाउने निर्णय गरेको हो।
समितिले अन्य समसामयिक विषयमा पनि छलफल गर्दै आगामी दिनमा विभिन्न कार्यक्रम तथा गतिविधि सञ्चालन गर्ने निर्णय गरेको जनाएको छ।
बैठकमा पर्सा जेन–जेडका सल्लाहकार अधिवक्ता अनिल शाह, कालिकामाई संयोजक रजनीश कुशवाहा, सुशील पटेल, मधुरञ्जन शाह लगायत युवाहरूको उल्लेखनीय सहभागिता रहेको थियो।
नवगठित समितिमा हरि ओम र मिथुन प्रसाद पटेल लगायतका सदस्यहरू समेटिएका छन् । जेन–जेड अभियानलाई जगरनाथपुर क्षेत्रमा विस्तार गर्दै युवाहरूलाई संगठित गर्ने लक्ष्यका साथ समिति गठन गरिएको आयोजकले बताएका छन्।
