वीरगंज। बाराको क्षेत्र नं. ४ अन्तर्गत पर्ने प्रसौनी गाउँपालिकाले आगामी फागुन २१ गते हुने प्रतिनिधि सभा सदस्य निर्वाचनको आचारसंहिता उल्लंघन गरेको आरोप लागेकाे छ। स्थानीयले बताएका अनुसार, गाउँपालिकाले मतदातालाई प्रभावित पार्ने उद्देश्यले धमाधम विकासका गतिविधिहरू सञ्चालन गर्दै आएको छ।
यस क्रममा वडा नं. २, ५ र ६ मा पर्ने बेलहिया, प्रष्टोका र भलुही चौक लगायतका विभिन्न स्थानमा बोरिङ जडान गरी घरघरमा धारा जडान गर्ने काम भइरहेको छ । स्थानीय बासिन्दा र स्रोतका अनुसार, यस कार्यको नेतृत्व सो वडाका निर्वाचित जनप्रतिनिधि र गाउँपालिकाका प्रमुख स्वयं गर्दै आएका छन्।
विश्लेषकहरू भन्छन् कि निर्वाचन नजिकिँदै गर्दा यस प्रकारको गतिविधि मतदातामा दबाब वा लोभजाल सिर्जना गर्न सक्ने जोखिम राख्छ । आचारसंहिता उल्लंघनको यो घटना सम्बन्धित निकायले ध्यानमा लिएर अनुसन्धान वा सचेतनाको आवश्यकता रहेको बताइएको छ।
स्थानीयका अनुसार, यस प्रकारका गतिविधिले मतदाताको स्वतन्त्र निर्णय प्रक्रियामा प्रभाव पार्ने सम्भावना रहेको भन्दै चिन्ता व्यक्त गरिएको छ ।
