वीरगंज । पर्साकाे ठोरी गाउँपालिका वार्ड नम्बर ५, सुवर्णपुर चोकबाट एक जना आफ्नो नाम थर स्पष्ट गर्न नसक्ने र मानसिक अवस्था कमजोर भएको अनुमानित ३० वर्षीय पुरुषलाई मंगलबार दिउँसो २:३० बजे मानवसेवा आश्रम बिरगंज शाखाले उद्धार गरेको छ।
उद्धार कार्यमा मानवसेवा आश्रम वीरगंजका संस्थापक देवेश गुप्ता, संयोजक मुना मगर, अभिभावक प्रकाश थारू, ठोरी गाउँपालिका वार्ड नं. ५ का वडा अध्यक्ष अस्ट बहादुर लोप्चन, प्रहरी चौकी सुवर्णपुरका प्रहरी वरिष्ठ हवलदार विवेक राउत कुर्मी लगायतको उपस्थिती रहेको थियो।
उद्धार पश्चात् पुरुषलाई आश्रममा ल्याइएर सरसफाइ, नुहाइ धुहाइ गरिएको छ। यसपछि डाक्टर भरत गोईको निगरानीमा आवश्यक औषधि र उपचार सुरु गरिने बताइएको छ।
मानवसेवा आश्रमले सामाजिक सुरक्षा र मानसिक स्वास्थ्य क्षेत्रमा यस प्रकारको सक्रिय पहललाई निरन्तरता दिने जनाएको छ।
